બળાત્કારકાંડનો આરોપી જયેશ પટેલ ભૂતકાળમાં પણ કરી ચૂક્યો છે કેવા ગોરખધંધા? જાણો

-ડો. જયેશ પટેલ મૂળ ઉત્તર ગુજરાતનો છે અને હોમિયોપથી ડોક્ટર છે. જયેશ પટેલે હોમિયોપથીમાં ગ્રેજ્યુએટ થયા બાદ તેઓએ એક વર્ષ સાવલી ખાતે આવેલી હોમિયોપેથી કોલેજમાં નોકરી કરી હતી.

-ડો. જયેશ પટેલ મૂળ ઉત્તર ગુજરાતનો છે અને હોમિયોપથી ડોક્ટર છે. જયેશ પટેલે હોમિયોપથીમાં ગ્રેજ્યુએટ થયા બાદ તેઓએ એક વર્ષ સાવલી ખાતે આવેલી હોમિયોપેથી કોલેજમાં નોકરી કરી હતી.

-જયેશ પટેલ હોમિયોપેથી કોલેજમાં નોકરી કરત ત્યારે જ વડોદરા કોઠી ચાર રસ્તા ખાતે ગર્ભપાત સેન્ટરની શરૂઆત કરી હતી. આ કારણસર તેને કોલેજમાંથી હાંકી કાઢવામાં આવ્યો હતો.

-વડોદરા ખાતેના ગર્ભપાત સેન્ટરમાં ગુજરાતભરમાંથી મહિલાઓ ગર્ભપાત કરાવવા માટે આવતી હતી. જયેશ પટેલ માત્ર 65 રૂપિયામાં ગર્ભપાત કરી આપતો હતો તેથી લોકોની ભીડ જામતી.

-ધંધાની જમાવટ થયા બાદ તેમણે ગર્ભપાતની ફી રૂ.150 કરી હતી. ગર્ભપાત પર પ્રતિબંધ ન હોવાથી તેઓએ સરકારી એસ.ટી.બસોમાં રૂ.150માં ગર્ભપાત કરાવો તેવી મોટાપાયે જાહેરાતો કરી હતી.

-ડો. જયેશ પટેલના ગર્ભપાત સેન્ટરમાં કાયદેસરની ફી ગ્રાહકોને આકર્ષવા માટે રાખી હતી. ગ્રાહક આવે પછી તેને ગ્રાહકને ગભરાવીને અને બ્લેકમેઈલ કરીને તેની પાસેથી તગડી રકમ વસૂલવામાં આવતી હતી.

-જયેશ પટેલના ગર્ભપાત સેન્ટરમાં માત્ર પરીણિત દંપતિના જ નહીં પણ બીજા પણ ગર્ભપાતા કરાતા એવા આક્ષેપ થયા હતા. આ ધંધામાંથી જયેશ પટેલને બહુ મોટી રકમ મળતી હતી.

-જયેશ પટેલે અમદાવાદમાં 1980ના દાયકામાં પાલડી ચાર રસ્તા પાસે અમીકુંજ કોમ્પ્લેક્સમાં પારૂલ ગર્ભપાત ક્લિનિક શરૂ કર્યું હતું. અહીં તે 150 રૂપિયામાં ગર્ભપાત કરી આપતો હતો.

-અમદાવાદમાં ગર્ભપાત ક્લિનિક શરૂ કર્યા પછી જયે પટેલે મોટા પાયે તેની જાહેરખબરો આપી હતી. ખાસ કરીને એસ.ટી. બસોમાં તેના ક્લિનિકનાં બોર્ડ મોટા પ્રમાણમાં જોવા મળતાં.

-જયેશ પટેલે 2000માં વડોદરાના 40 ડોક્ટરો પર આવકવેરાના દરોડા પડાવ્યા હતા જેમાં કરોડોનું બેનામી કાળું નાણું મળ્યું હતું. ડો. જયેશ પટેલને આવકવેરા વિભાગ તરફથી કરોડો રૂપિયાનું કમિશન મળ્યું હતું.

-ગર્ભપાતના કેટલાક કિસ્સામાં સમસ્યાઓ સર્જાતાં તેના અમદાવાદના ક્લિનિકમાં તોડફોડ કરાઈ હતી. તેની સામે પોલીસ કેસ થયો હતો. આ કેસમાં તેની ધરપકડ થઈ અને તેણે ક્લિનિક બંધ કરી દીધું હતું.

-જયેશ પટેલે 1998માં વડોદરામાં પોતાનું ગર્ભપાત સેન્ટર હતું ત્યાં હોમિયોપેથી કોલેજની શરૂઆત કરી દીધી હતી. તેની સાથે અમદાવાદ અને રાજકોટમાં પણ હોમિયોપેથી કોલેજની શરૂઆત કરી હતી.

- આવકવેરા વિભાગ પાસેથી મળેલા કમિશનમાંથી જયેશે વાઘોડિયા લિમડા ખાતે જમીન ખરીદી હતી. જયેશ પટેલે અમદાવાદમાં અમીકુંજમાં પણ હોમિયોપથી કોલેજ શરૂ કરી હતી.

-જયેશ પટેલે 2001માં અમદાવાદ ખાતે બોપલ હોમિયોપેથી કોલેજ શરૂ કરી હતી. પોતાની જ કોલેજના વિદ્યાર્થીઓના પરિણામ સાથે ચેડા કરવા બદલ જયેશ પટેલની ધરપકડ પણ થઈ હતી.

-વાઘોડિયા તાલુકાના લિમડા ખાતે પારૂલ ઇન્સ્ટીટ્યૂટ નામે કોલેજ શરૂ કર્યા બાદ તેમણે કોંગ્રેસમાં પ્રવેશ કર્યો હતો. કોંગ્રેસમાં જોડાયા બાદ તેઓએ પોતાના વિશાળ કેમ્પસમાં એક પછી એક કોલેજ શરૂ કરી હતી.

-જયેશ પટેલ કોંગ્રેસમાંથી ટિકીટ મેળવીને વાઘોડિયા બેઠક પરથી બે વખત વિધાન સભાની ચૂંટણી લડ્યા હતા. 2007 અને 2012ની ચૂંટણીમાં તેનો ભાજપના મધુ શ્રીવાસ્તવ સામે કારમો પરાજય થયો હતો.

-2014માં લોકસભાની ચૂંટણી પહેલાં જયેશ પટેલે ભાજપાનો ખેસ ધારણ કરી લીધો હતો. મોદીની વિકાસની કામગીરીથી પ્રભાવિત થયા હોવાનો દાવો કરીને તેમણે ભાજપમાં જોડાવાની જાહેરાત કરી હતી.