IND vs ENG: સચીન કે કોહલી નહીં, ભારત-ઇંગ્લેન્ડ ટેસ્ટ મેચોમાં આ બેટ્સમેને ફટકારી છે સૌથી વધુ સદીઓ, જુઓ ટૉપ-5 લિસ્ટ

IND vs ENG Test Series: આ પહેલા જાણી લો બે ટીમો વચ્ચે ટેસ્ટ ક્રિકેટમાં સૌથી વધુ સદી ફટકારનાર ટોપ-5 બેટ્સમેન કોણ છે...

(તસવીર- સોશ્યલ મીડિયા પરથી)

IND vs ENG Test Series: ભારત અને ઈંગ્લેન્ડ વચ્ચે 25 જાન્યુઆરીથી ટેસ્ટ સીરીઝ શરૂ થઈ રહી છે. આ પહેલા જાણી લો બે ટીમો વચ્ચે ટેસ્ટ ક્રિકેટમાં સૌથી વધુ સદી ફટકારનાર ટોપ-5 બેટ્સમેન કોણ છે...

ભારત-ઈંગ્લેન્ડ ટેસ્ટ મેચમાં સૌથી વધુ સદી ફટકારવાનો રેકોર્ડ ઈંગ્લિશ બેટ્સમેન જો રૂટના નામે છે. રૂટે ભારત સામે 9 ટેસ્ટ સદી ફટકારી છે. તેણે 25 મેચની 45 ઇનિંગ્સમાં આ આંકડો હાંસલ કર્યો છે.

ટીમ ઈન્ડિયાના વર્તમાન કોચ રાહુલ દ્રવિડ અહીં બીજા સ્થાને છે. દ્રવિડે ભારત-ઈંગ્લેન્ડ ટેસ્ટ મેચમાં કુલ 7 સદી ફટકારી છે. તેણે 21 મેચની 37 ઇનિંગ્સમાં આટલી સદી ફટકારી છે.

સચીન તેંદુલકરે પણ ભારત-ઈંગ્લેન્ડ ટેસ્ટ મેચમાં 7 વખત સદી ફટકારી છે. માસ્ટર બ્લાસ્ટર ઈંગ્લેન્ડ સામે 32 મેચ રમ્યો છે.

ઈંગ્લેન્ડના દિગ્ગજ બેટ્સમેન એલિસ્ટર કૂક પણ સચિન અને રાહુલની બરાબરી પર છે. તેણે ભારત સામે 30 ટેસ્ટની 54 ઇનિંગ્સમાં 7 સદી ફટકારી છે.

આ ટોપ-5 લિસ્ટમાં ભારતના મોહમ્મદ અઝહરુદ્દીન અને કેવિન પીટરસન પણ સામેલ છે. આ બંને મજબૂત બેટ્સમેનોએ ભારત-ઈંગ્લેન્ડ ટેસ્ટ મેચમાં 6-6 સદી ફટકારી છે.