PBKS vs RCB: રોયલ ચેલેન્જર્સ બેંગલુરુએ પંજાબને 60 રને હરાવ્યું, સિરાજની 3 વિકેટ
PBKS vs RCB IPL 2024 Live Score: અહીં તમને પંજાબ કિંગ્સ અને રોયલ ચેલેન્જર્સ બેંગ્લોરની મેચનો લાઇવ સ્કોર અને મેચ સંબંધિત તમામ અપડેટ્સ મળશે.
LIVE
Background
Punjab Kings vs Royal Challengers Bengaluru: આઈપીએલ 2024માં આજે રોયલ ચેલેન્જર્સ બેંગલુરુ અને પંજાબ કિંગ્સ વચ્ચે મેચ રમાશે. આ મેચ બંને ટીમો માટે કરો યા મરો જેવી છે. ખરેખર, આજે જે પણ ટીમ હારે છે, તે પ્લેઓફની રેસમાંથી બહાર થઈ જશે. આવી સ્થિતિમાં બંને ટીમો જીતવા માટે તમામ સંભવ પ્રયાસ કરશે.
આ સિઝનમાં બંને ટીમોના પ્રદર્શનની વાત કરીએ તો આરસીબીએ અત્યાર સુધીમાં 11 મેચ રમી છે, જેમાં તે માત્ર ચાર મેચ જીતી શકી છે. ટીમ પોઈન્ટ ટેબલમાં સાતમા સ્થાને છે. જ્યારે પંજાબ કિંગ્સ ટીમ પોઈન્ટ ટેબલમાં આઠમા સ્થાને છે. પંજાબે પણ 11માંથી ચાર મેચ જીતી છે. જોકે, RCBનો નેટ રન રેટ પંજાબ કરતા થોડો સારો છે.
રોયલ ચેલેન્જર્સ બેંગ્લોરે પંજાબ કિંગ્સને 60 રનથી હરાવ્યું
કરો યા મરો મેચમાં રોયલ ચેલેન્જર્સ બેંગ્લોરે પંજાબ કિંગ્સને 60 રનથી હરાવ્યું છે. આરસીબીની આ સતત ચોથી જીત છે. બેંગલુરુએ પ્રથમ બેટિંગ કરીને 241 રનનો વિશાળ સ્કોર બનાવ્યો હતો. જવાબમાં પંજાબની ટીમ 181 રનમાં સમેટાઈ ગઈ હતી. આ સાથે પંજાબ પણ પ્લેઓફની રેસમાંથી બહાર થઈ ગયું છે. RCB માટે વિરાટ કોહલીએ પહેલા 92 રનની તોફાની ઇનિંગ રમી અને પછી બોલરોએ ચમત્કાર કરી દીધો. મોહમ્મદ સિરાજે સૌથી વધુ 3 વિકેટ લીધી હતી. જ્યારે લોકી ફર્ગ્યુસન, સ્વપ્નિલ સિંહ અને કર્ણ શર્માએ બે-બે વિકેટ લીધી હતી.
સિરાજે પંજાબને સાતમો ઝટકો આપ્યો
મોહમ્મદ સિરાજે 15મી ઓવરના છેલ્લા બોલ પર પંજાબ કિંગ્સને સાતમો ઝટકો આપ્યો હતો. તેણે આશુતોષ શર્માને એલબીડબ્લ્યુ આઉટ કર્યો જેણે તે જ ઓવરમાં સિક્સર ફટકારી. તે પાંચ બોલમાં આઠ રન બનાવીને પેવેલિયન પરત ફર્યો હતો. પંજાબનો સ્કોર હવે 7 વિકેટે 164 રન છે.
પંજાબની ચોથી વિકેટ પડી, જીતેશ શર્મા આઉટ
પંજાબ કિંગ્સની ચોથી વિકેટ 125ના કુલ સ્કોર પર 11મી ઓવરમાં પડી હતી. કરણ શર્માએ એક સિક્સર અને ફોર ખાધા બાદ જીતેશ શર્માને બોલ્ડ કર્યો હતો. જીતેશ ચાર બોલમાં પાંચ રન બનાવીને આઉટ થયો હતો. પંજાબને હવે જીતવા માટે 54 બોલમાં 117 રન બનાવવાના છે.
રિલે રોસોએ માત્ર 21 બોલમાં અડધી સદી ફટકારી
રિલે રોસોએ માત્ર 21 બોલમાં 8 ચોગ્ગા અને બે છગ્ગાની મદદથી અડધી સદી ફટકારી છે. કેમરૂન ગ્રીને આઠમી ઓવરમાં 16 રન આપ્યા હતા. શશાંક સિંહે ચોગ્ગો માર્યો. 8 ઓવર પછી પંજાબનો સ્કોર 2 વિકેટે 96 રન છે.
પંજાબની પ્રથમ વિકેટ પડી
પ્રથમ ઓવરમાં જ સ્વપ્નિલ સિંહે પંજાબને મોટો ઝટકો આપ્યો હતો. પ્રભસિમરન સિંહ ચાર બોલમાં છ રન બનાવીને પેવેલિયન પરત ફર્યો હતો. તે LBW આઉટ થયો હતો. જોકે, રિલે રોસોએ આવતાં જ તેણે બે ચોગ્ગા ફટકાર્યા હતા. પહેલી ઓવરમાં 14 રન આવ્યા અને એક વિકેટ પડી.
ટ્રેન્ડિંગ સમાચાર
ટોપ સ્ટોરી
