IPL ફ્રેન્ચાઇઝીનો માલિક ટીમ મેનેજમેન્ટ પર ભડક્યો, કહ્યું- પંત પ્લેઇંગ ઇલેવનમાં કેમ નહીં, શું બેંચ ગરમ કરવા ન્યૂઝીલેન્ડ લઈ ગયા છો ?

ભારતીય ક્રિકેટ ટીમના વિકેટકિપર બેટ્સમેન રિષભ પંતને ન્યૂઝીલેન્ડ સામેની T-20 અને વન ડે સીરિઝમાં એક પણ મેચમાં પ્લેઇંગ ઇલેવનમાં સ્થાન આપવામાં આવ્યું નહોતું.

નવી દિલ્હીઃ ભારતીય ક્રિકેટ ટીમના વિકેટકિપર બેટ્સમેન રિષભ પંતને ન્યૂઝીલેન્ડ સામેની T-20 અને વન ડે સીરિઝમાં એક પણ મેચમાં પ્લેઇંગ ઇલેવનમાં સ્થાન આપવામાં આવ્યું નહોતું. પંતને ટીમમીં બહાર રાખવા અને સતત બેંચ પર બેસાડી રાખવા પર ઈન્ડિયન પ્રીમિયર લીગની ફ્રેન્ચાઈઝી દિલ્હી કેપિટલ્સના સહ માલિકે સવાલ ઉઠાવ્યા છે. કોણે ઉઠાવ્યા સવાલ પંત આઈપીએલમાં દિલ્હી કેપિટલ્સ તરફથી રમે છે. પંતને 8 મેચમાં એક વખત ટીમમાં ન સમાવવા બદલ દિલ્હી કેપિટલ્સના સહ માલિક પાર્થ જિંદાલે સવાલ ઉઠાવ્યા છે. તેમણે કહ્યું, જો પંતને મોકો નહોતો આપવો તો ન્યૂઝીલેન્ડ એ સામે કે ઘરેલુ ક્રિકેટમાં કેમ રમવા ન દીધો. પંતને લઈ શું કહ્યું સોશિયલ મીડિયા પર જિંદાલે ટીમ મેનેજમેન્ટ સામે નારાજગી વ્યક્ત કરતાં લખ્યું, શું પંતને માત્ર બેંચ ગરમ કરવા જ સાથે રાખવામાં આવે છે? જો તે ન્યૂઝીલેન્ડ એ સામે અથવા ઘરેલુ ક્રિકેટમાં રમે તો ચોક્કસ ફાયદો થશે. તેના જેવા પ્રતિભાશાળી ખેલાડીને 5મી ટી-20 કે ત્રીજી વન ડેમાં ન રમાડવો ચોંકાવનારું હતું. આ વાતનો કોઈ મતલબ નથી.

And why carry @RishabhPant17 only for him to warm the bench? Surely he would have benefited from paying against New Zealand A or domestic cricket? To see a player as talented as him not play the 5th T20 and now the 3rd ODI makes no sense #Xfactor

— Parth Jindal (@ParthJindal11) February 11, 2020

અશ્વિનને લઈ શું કહ્યું અશ્વિન અંગે સવાલ ઉઠાવતાં લખ્યું, મને સમજમાં નથી આવતું કે અશ્વિન કેમ ટીમમાંથી બહાર છે ? ટી-20 સીરિઝમાં સૂપડાં સાફ થયા બાદ ન્યૂઝીલેન્ડે ભારતીય ટીમને બતાવી દીધું છે કે વર્લ્ડકપ સેમિ ફાઇનલમાં મળેલી હાર તુક્કો નહોતી. ભારતને વિકેટ લેનારા બોલર અને એક્સ ફેક્ટરની જરૂર છે.

Don’t know why @ashwinravi99 is not in this team! There seems to be an aversion to wicket takers! After white washing the kiwis in T20’s the Kiwis showing India that the semi final victory in the World Cup was no fluke. India needs wicket takers and players with X factor

— Parth Jindal (@ParthJindal11) February 11, 2020