ત્રીજી વનડેમાં ભારતે ઓસ્ટ્રેલિયાને 7 વિકેટથી આપી હાર, શ્રેણી પર 2-1થી કબજો, રોહિત શર્માની સદી

ભારતીય ટીમે ઓસ્ટ્રેલિયાને બેંગલુરૂમાં રમાઈ રેહેલી અંતિમ વનડેમાં 7 વિકેટથી હાર આપી છે. આ સાથે જ ટીમ ઈન્ડિયાએ ત્રણ મેચની શ્રેણી પર 2-1થી જીત મેળવી સિરીઝ પોતાના નામે કરી છે.

Written By : abpasmita.in | Updated at : 19 Jan 2020 09:20 PM (IST)

India beat Australia by 7 wickets, win series 2-1 ત્રીજી વનડેમાં ભારતે ઓસ્ટ્રેલિયાને 7 વિકેટથી આપી હાર, શ્રેણી પર 2-1થી કબજો, રોહિત શર્માની સદી

બેંગલૂરૂ: ભારતીય ટીમે ઓસ્ટ્રેલિયાને બેંગલુરૂમાં રમાઈ રેહેલી અંતિમ વનડેમાં 7 વિકેટથી હાર આપી છે. આ સાથે જ ટીમ ઈન્ડિયાએ ત્રણ મેચની શ્રેણી પર 2-1થી જીત મેળવી સિરીઝ પોતાના નામે કરી છે. ત્રણ વનડે મેચની સિરીઝમાં પ્રથમ વનડે ઓસ્ટ્રેલિયાએ 10 વિકેટથી જીત મેળવી હતી. બાદમાં બીજી વને ડેમાં ભારતે 36 રનથી જીત મેળવી હતી.

INDIA WIN A clinical performance by #TeamIndia as they win by 7 wickets and clinch the series 2-1.#INDvAUS pic.twitter.com/LnhgbjdDI8
— BCCI (@BCCI) January 19, 2020

બેંગલુરૂમાં રમાયેલી મેચમાં ઓસ્ટ્રેલિયાએ 50 ઓવરમાં 9 વિકેટના નુકશાન પર 286 રન બનાવ્યા હતા અને ભારતે સિરીઝ જીતવા 287 રનનો લક્ષ્યાંક આપ્યો હતો. જવાબમાં ટીમ ઈન્ડિયાએ 47.3 ઓવરમાં લક્ષ્યાંક મેળવી સિરીઝ જીતી લીધી હતી. રોહિત શર્માએ કરિયરની 29મી સેન્ચુરી ફટકારતા 128 બોલમાં 119 રન કર્યા. જ્યારે વિરાટ કોહલીએ 91 બોલમાં 89 રન બનાવ્યા હતા. ઓસ્ટ્રેલિયા તરફથી સ્ટીવ સ્મિથે સદી ફટકારતા 132 બોલમાં 131 રન બનાવ્યા હતા. માર્નસ લબુશેને 54 રન બનાવ્યા હતા. ભારત તરફથી મોહમ્મદ શમીએ સૌથી વધારે 4 વિકેટ ઝડપી હતી. રવિન્દ્ર જાડેજાએ 2 વિકેટ અને કુલદીપ યાદવ અને નવદીપ સૈનીએ 1-1 વિકેટ ઝડપી હતી. આ પહેલા ત્રીજી અને નિર્ણાયક વન ડેમાં ઓસ્ટ્રેલિયાએ ટૉસ જીતી પ્રથમ બેટિંગનો નિર્ણય કર્યો હતો.