Smart TV: હવે ઘરે બેઠાં-બેઠાં જ લો સિનેમાની મજા, Xiaomiનુ શાનદાર 75-ઇંચનું Smart TV લૉન્ચ

શાનદાર ડિસ્પ્લેની સાથે સાથે સ્માર્ટ ટીવીના બાકીના ફિચર્સ પણ ખુબ ધાંસૂ છે. જાણો શું છે Xiaomi TV ES Pro સ્માર્ટ ટીવીના ફિચર્સ અને તેના અલગ અલગ મૉડલની કિંમત........... 

ફાઇલ તસવીર

Xiaomi TV ES Pro Launch: જો તમે તમારા ઘરમાં બેસીને જ મૂવી જોતા જોતા સિનેમા હૉલની મજા લેવાનુ વિચારી રહ્યાં છો, તો તમારા માટે આ ખાસ સમાચાર છે. અહીં અમે તમને એક શાનદાર સ્માર્ટ ટીવી વિશે બતાવી રહ્યાં છીએ, જે હાલમાં જ લૉન્ચ થયુ છે. ચીની સ્માર્ટફોન બ્રાન્ડ શ્યાઓમી (Xiaomi) એ તાજેતરમાં જ Xiaomi TV ES Proને માર્કેટમાં ઉતાર્યુ છે. આ સ્માર્ટ ટીવીને માર્કેટમાં ત્રણ અલગ અલગ ડિસ્પ્લે સાઇઝમાં ઉપલબ્ધ કરાવવામાં આવ્યુ છે. શાનદાર ડિસ્પ્લેની સાથે સાથે સ્માર્ટ ટીવીના બાકીના ફિચર્સ પણ ખુબ ધાંસૂ છે. જાણો શું છે Xiaomi TV ES Pro સ્માર્ટ ટીવીના ફિચર્સ અને તેના અલગ અલગ મૉડલની કિંમત........... 

Xiaomi TV ES Pro ના ફિચર્સ - 
Xiaomi TV ES Pro સ્માર્ટ ટીવીને ત્રણ નવી ડિસ્પ્લે સાઇઝ 55-ઇંચ, 65-ઇંચ અને 75-ઇંચમાં લૉન્ચ કરવામાં આવી છે. આ ત્રણેય મૉડલ્સમાં તમને 120Hzનો રિફ્રેશ રેટ, 120Hzનો MEMC સપોર્ટ, 700nitsની પીક બ્રાઇટનેસ અને એચડીઆર સપોર્ટ મળી રહ્યો છે. Xiaomi TV ES Proમાં તમને HDMI 2.1, VRR, AALM અને AMD FreeSync સર્ટિફિકેશન મળી રહ્યું છે. આ ટીવી 3GB RAM અને 32GB સ્ટૉરેજની સાથે ઉપલબ્ધ છે, અને આમાં ક્વાડકૉર A73 પ્રૉસેસર લગાવવામાં આવ્યુ છે. 4K રિઝૉલ્યૂશન વાળી આ ટીવી બે 12.5W ના સ્પીકર્સ સપોર્ટની સાથે આવે છે. 

Xiaomi TV ES Proની કિંમત - 
Xiaomi TV ES Pro સ્માર્ટ ટીવીના ત્રણેય ડિસ્પ્લે સાઇઝ વાળા મૉડલ્સને પ્રી-બુક કરવામાં આવી શકે છે, પરંતુ અહીં એ સ્પષ્ટ કરી દઇએ કે, આ સ્માર્ટ ટીવીને હાલમાં માત્ર ચીનમાં જ લૉન્ચ કરવામાં આવ્યુ છે, ભારત અને અન્ય દેશોમાં ક્યારે લૉન્ચ કરવામાં આવશે તેના વિશે હજુ સુધી કોઇ જાણકારી સામે નથી આવી.

હવે વાત કિંમતની કરીએ તો, Xiaomi TV ES Proના 55-ઇંચ વાળા વેરિએન્ટને $488 (લગભગ 39 હજાર રૂપિયા), 65-ઇંચ વાળા મૉડલ $635 (લગભગ 51 હજાર રૂપિયા) અને 75-ઇંચ વાળા મૉડલને $1035 (લગભગ 83 હજાર રૂપિયા)ની કિંમત પર લૉન્ચ કરવામાં આવ્યુ છે.

 

આ પણ વાંચો..........