50MP કેમેરા અને 5,000mAhની બેટરી સાથે આ છે Motorolaનો 2022 એડિશનનો નવો ફોન, જાણો કિંમત અને ફિચર્સ

ફોટોગ્રાફી માટે ફોનમાં ત્રિપલ રિયર કેમેરા સેટઅપ આપવામાં આવ્યુ છે. જેનો પ્રાઇમરી કેમેરો 50 મેગાપિક્સલનો છે,

Moto

નવી દિલ્હીઃ સ્માર્ટફોન કંપની મોટોરોલાએ ફરી એકવાર માર્કેટમાં ધમાલ મચાવવા પોતાનો નવો સ્માર્ટફોન ઉતારી દીધો છે. આ વખતે કંપનીએ વર્ષ 2022ને ધ્યાનમાં રાખીને પોતાનો નવો Moto G Power (2022) લૉન્ચ કર્યો છે. આ ફોન જબરદસ્ત હાઇટેક ફિચર્સ અને ઓછી કિંમત વાળો છે. ખાસ વાત છે કે, ફોનમાં 90 હર્ટ્જ રિફ્રેશ રેટવાળી ડિસ્પ્લે અને મીડિયાટેક હીલિયો જી37 પ્રૉસેસર આપવામાં આવ્યુ છે. આ ફોન ખાસ કરીને ફોટોગ્રાફીના શોખીનો માટે બનાવવામાં આવ્યો છે. 

Moto G Power (2022)ની કિંમત -
Moto G Power (2022)ની કિંમતની વાત કરીએ તો આ $199 (લગભગ 14,764 રૂપિયા) રૂપિયામાં મળી રહેશે. જેમાં 4જીબી રેમ અને 64 જીબી સ્ટૉરેજ વેરિએન્ટ આવે છે. ફોનના 4 જીબી રેમ અને 128 જીબી સ્ટૉરેજ વાળા વેરિએન્ટની કિંમત $249 (લગભગ 18,473 રૂપિયા) નક્કી કરવામાં આવી છે. કહેવાઇ રહ્યું છે કે, ફોન સિંગલ Dark Grove કલર ઓપ્શનમાં અવેલેબલ છે. 

Moto G Power (2022) ના ખાસ ફિચર્સ- 
આમાં ડ્યૂલ સિમ છે, એન્ડ્રોઇડ 11 પર કામ કરે છે. આ ફોનમાં 6.5 ઇંચની એચડી+ IPS LCD ડિસ્પ્લે આપવામાં આવી છે. જે 90 હર્ટ્સ રિફ્રેશ રેટ સાથે આવે છે. આ ઉપરાંત ઓક્ટાકૉર મીડિયાટેક હીલિયો જી37 પ્રૉસેસર છે. જેની સાથે 4 જીબી રેમ મળે છે. આ ફોનનુ સ્ટૉરેજ 64 જીબી અને 128જીબી સુધીનુ છે. 

ફોટોગ્રાફી માટે ફોનમાં ત્રિપલ રિયર કેમેરા સેટઅપ આપવામાં આવ્યુ છે. જેનો પ્રાઇમરી કેમેરો 50 મેગાપિક્સલનો છે, આની સાથે ફોનમાં 2 મેગાપિક્સલનુ ડેપ્થ સેન્સર અને 2 મેગાપિક્સલનો મેક્રો કેમેરો અવેલેબલ છે. સેલ્ફી અને વીડિયો કૉલિંગ માટે ફોનમા 8 મેગાપિક્સલનો ફ્રન્ટ કેમેરો આપવામાં આવ્યો છે. મોટો જી પાવર 2022માં 5,000 એમએચની બેટરી આપવામા આવી છે. જે 10 વૉટ સ્ટાન્ડર્ડને સપોર્ટ કરે છે. 

આ પણ વાંચો........