WhatsApp Business માં જલદી મળશે આ ફીચર્સ, નાના વેપારીઓને થશે આ ફાયદો
Meta એ WhatsApp બિઝનેસ યુઝર્સ માટે 2 ફીચર્સની જાહેરાત કરી છે
WhatsApp Business New Feature: Meta એ WhatsApp બિઝનેસ યુઝર્સ માટે 2 ફીચર્સની જાહેરાત કરી છે. જો કે હજુ સુધી આ ફીચર્સ રોલઆઉટ થયા નથી, પરંતુ કંપનીના સીઈઓ માર્ક ઝુકરબર્ગે કંપનીની ઓફિશિયલ ચેનલ મારફતે આ બંન્ને ફીચર્સ વિશેની માહિતી શેર કરી છે. હવે બિઝનેસ યુઝર્સ ફેસબુક એકાઉન્ટ વગર પણ ફેસબુક અને ઇન્સ્ટાગ્રામ માટે જાહેરાત બનાવી શકશે. ઉપરાંત નાના ઉદ્યોગો હવે તેમના ગ્રાહકો સાથે સરળતાથી જોડાઈ શકે છે. કંપનીએ આ માટે પેઇડ મેસેજ શરૂ કર્યા છે.
વિશ્વભરમાં WhatsApp બિઝનેસના 200 મિલિયનથી વધુ યુઝર્સ છે.. નવા ફીચરને રજૂ કરતા માર્ક ઝકરબર્ગે કહ્યું કે હવે નાના વેપારીઓ જાહેરાતો મારફતે ગ્રાહકો સુધી સરળતાથી પહોંચી શકશે. આ માટે તેમને ફેસબુક એકાઉન્ટની જરૂર નહીં પડે. જાહેરાત પર ક્લિક કર્યા પછી ગ્રાહકો ઉત્પાદન સંબંધિત પ્રશ્નો પૂછી શકશે, તેને WhatsApp ચેટ દ્વારા જોઈ શકશે અને ખરીદી શકશે. તેનાથી કોમ્યુનિકેશન ઝડપી બનશે અને બિઝનેસ કરતા લોકોને પણ ફાયદો થશે.
પેઇડ મેસેજ પણ ઉપલબ્ધ થશે
વ્હોટ્સએપ બિઝનેસ એપ પર પેઇડ મેસેજ પણ લાવી રહ્યું છે જે મુખ્યત્વે નાના બિઝનેસને મદદ કરશે. આની મદદથી તેઓ અમુક ચાર્જ ચૂકવીને ગ્રાહકોને પર્સનલ મેસેજ મોકલી શકશે જેમ કે એપોઇન્ટમેન્ટ, જન્મદિવસની શુભેચ્છાઓ અથવા રજાઓ પર ચાલતા સ્પેશ્યલ સેલ સહિતની જાણકારી મોકલી શકશે. નાના ઉદ્યોગોને આનો ફાયદો થશે કારણ કે એક જ સંદેશ એકથી વધુ ગ્રાહકોને મેન્યુઅલી મોકલવાને બદલે તેઓ બધાને અલગ અલગ વ્યક્તિગત મેસેજ મોકલી શકશે. આ સિવાય બિઝનેસ યુઝર્સ મેસેજ મોકલવાનો દિવસ અને સમય પણ સેટ કરી શકશે.
WhatsApp અન્ય ઘણા ફીચર્સ પર પણ કામ કરી રહ્યું છે, જેમાંથી એક ફીચર છે યુઝરનેમ. તે લાઇવ થયા પછી દરેક વ્યક્તિએ એક યુઝર્સ નેમ પસંદ કરવાનું રહેશે. જે અત્યાર સુધી ટ્વિટર અને ઈન્સ્ટાગ્રામ પર થઈ રહ્યું છે.
WhatsApp પર આવી રહ્યું છે જબરદસ્ત ફિચર
ઇન્સ્ટન્ટ મેસેજિંગ એપ વૉટ્સએપ બહુ જલદી પોતાના યૂઝર્સ માટે એક નવું ફિચર લાવી રહી છે, હાલમાં કંપનીએ કેટલાક એવા ખાસ ફિચર્સ પર કામ કરવાનું શરૂ કરી દીધુ છે, જેમાંનું એક છે મેસેજ પિન સેટઅપનું ફિચર. વૉટ્સએપ પોતાના યૂઝર્સને ગ્રુપ અને પર્સનલ ચેટમાં પીન મેસેજ માટે ટાઇમ લિમીટ સેટ કરવાની મંજૂરી આપશે. એટલે કે તમે પીન મેસેજ માટે ટાઇમ લિમીટ પસંદ કરી શકશો, કે તે કેટલો સમય પીન કરેલું રહેશે. અત્યારે આ અપડેટ કેટલાક બીટા ટેસ્ટર્સને આપવામાં આવ્યુ છે, જેના પર કામ ચાલુ છે. આગામી સમયમાં કંપની આ ફિચર દરેક માટે રૉલ આઉટ કરી શકે છે. આ અપડેટ વિશેની માહિતી વૉટ્સએપના ડેવલપ પર નજર રાખનારી વેબસાઇટ Wabetainfo દ્વારા શેર કરવામાં આવી છે. નવા ફિચર અંતર્ગત કંપની યૂઝર્સને મેસેજ પીન કરવા માટે ત્રણ ઓપ્શન આપશે, જેમાં યૂઝર્સ મેસેજને 24 કલાક, 7 દિવસ કે 30 દિવસ સુધી પીન કરી શકશે
Join Our Official Telegram Channel:
ટોપ સ્ટોરી
ટ્રેન્ડિંગ સમાચાર
