AMOLED ડિસ્પ્લે અને 50MP કેમેરા સાથે લૉન્ચ થયો Vivo નો 5G સ્માર્ટફોન, જાણો ફિચર્સ
Vivo Y300 5G Launch: Vivo Y300 5Gમાં 6.67 ઈંચની AMOLED ડિસ્પ્લે આપવામાં આવી છે. આ ડિસ્પ્લે 120 Hz ના રિફ્રેશ રેટને પણ સપોર્ટ કરે છે
Vivo Y300 5G Launch: સ્માર્ટફોન માર્કેટમાં વધુ એક બજેટ ફ્રેન્ડલી સ્માર્ટફોનની એન્ટ્રી થઇ ગઇ છે. સ્માર્ટફોન મેન્યૂફેક્ચરિંગ કંપની Vivo એ આજે પોતાનો સસ્તો 5G સ્માર્ટફોન માર્કેટમાં લૉન્ચ કર્યો છે. ખરેખર, લોકો ઘણા સમયથી Vivo Y300 5G ફોનની રાહ જોઈ રહ્યા હતા. હવે કંપનીએ તેને ભારતમાં સત્તાવાર રીતે લૉન્ચ કરી છે. આ ફોનમાં કંપનીએ AMOLED ડિસ્પ્લેની સાથે ઘણા શાનદાર ફિચર્સ આપ્યા છે. કંપનીએ આ ફોનમાં 50 મેગાપિક્સલનો પ્રાઇમરી કેમેરા પણ આપ્યો છે. ચાલો જાણીએ તેની વિશેષતાઓ.
Vivo Y300 5G Specifications
Vivo Y300 5Gમાં 6.67 ઈંચની AMOLED ડિસ્પ્લે આપવામાં આવી છે. આ ડિસ્પ્લે 120 Hz ના રિફ્રેશ રેટને પણ સપોર્ટ કરે છે. આ સિવાય આ ફોન Qualcomm Snapdragon 4 Gen 2 પ્રૉસેસરથી સજ્જ છે જેની મદદથી ફોન શાનદાર પરફૉર્મન્સ આપી શકશે. એટલું જ નહીં, આ ડિવાઈસ Funtouch OS પર આધારિત એન્ડ્રોઈડ 14 ઓપરેટિંગ સિસ્ટમ પર કામ કરે છે.
કેમેરા સેટઅપ
જો આપણે Vivoના આ નવા ફોનના કેમેરા સેટઅપ પર નજર કરીએ તો, કંપનીએ 50MP Sony IMX882 કેમેરા સાથે 2MP બોકેહ કેમેરા આપ્યા છે. સેલ્ફી અને વીડિયો કૉલ માટે ડિવાઇસમાં 32MP ફ્રન્ટ કેમેરા આપવામાં આવ્યો છે. ઉપકરણમાં પૉટ્રેટ, નાઇટ, વીડિયો, પેનૉ, ડૉક્યૂમેન્ટ્સ, સ્લૉ-મૉ, ટાઈમ-લેપ્સ જેવી ઘણી સારી કેમેરા સુવિધાઓ પણ છે જે તમારી ફોટોગ્રાફીને સપોર્ટ કરશે.
પાવર માટે Vivo Y300 માં 5000mAh બેટરી આપવામાં આવી છે. આ બેટરી 80W ફાસ્ટ ચાર્જિંગને પણ સપોર્ટ કરે છે. કનેક્ટિવિટી માટે ઉપકરણમાં બ્લૂટૂથ 5.0, USB 2.0 અને 2.4 GHz/5 GHz Wi-Fi જેવી સુવિધાઓ આપવામાં આવી છે.
કેટલી છે કિંમત -
આ નવા સ્માર્ટફોનની કિંમત વિશે વાત કરીએ તો Vivoએ Y300ના 8GB + 128GB વેરિઅન્ટની કિંમત 21,999 રૂપિયા રાખી છે. જ્યારે ઉપકરણના 8GB + 256GB સ્ટૉરેજ વેરિઅન્ટની કિંમત 23,999 રૂપિયા નક્કી કરવામાં આવી છે. તમે તેને કંપનીની સત્તાવાર વેબસાઇટ પરથી ખરીદી શકો છો.
આ પણ વાંચો
Redmi એ લૉન્ચ કર્યો સૌથી સસ્તો 5G સ્માર્ટફોન, સેમસંગથી લઇ રિયલમી, ઓપ્પો, વીવોનું વધ્યુ ટેન્શન
ટોપ સ્ટોરી
ટ્રેન્ડિંગ સમાચાર
