Youtube શોર્ટ્સ વીડિયો માટે દરેક માટે કયુ ખાસ ફિચર લાવી રહ્યું છે, મનોરંજન સાથે કમાણી પણ થશે, જાણો.......

રિપોર્ટ્સ અનુસાર, કંપની જલ્દી વૉઇસઓવર (VoiceOver) નામથી એક ફિચર રિલીઝ કરશે. હાલ આના પર કામ ચાલી રહ્યું છે. જાણો આ ફિચરમાં શું હશે ખાસ................ 

Youtube_02

Youtube Shorts Working on New Feature : શોર્ટ્સ વીડિયો (Short Video)ના વધતા માર્કેટને ધ્યાનમાં રાખતા હવે યુટ્યૂબે (Youtube) પણ પોતાની પુરેપુરી તાકાત આ સેક્ટરમાં લગાવવા માંડી છે. આ કડીમાં હવે કંપની યુટ્યૂબ શોર્ટ્સ (Youtube Shorts) પર સતત કંઇકને કંઇક કામ કરી રહી છે. હવે આ એપ પર ક્રિએટર્સ 60 સેકન્ડની વીડિયો ક્લિપ (Video Clip) બનાવી શકે છે. આ એપમાં વીડિયો બાદ તમારે ટેક્સ્ટ જોડવી, ઓટોમેટિક કેપ્શન તથા કેટલાક બીજા ફિચર્સ મળે છે, પરંતુ હવે જલ્દી જ તમને આ પ્લેટફોર્મ પર એક કમાલનુ ફિચર મળવા જઇ રહ્યુ છે. રિપોર્ટ્સ અનુસાર, કંપની જલ્દી વૉઇસઓવર (VoiceOver) નામથી એક ફિચર રિલીઝ કરશે. હાલ આના પર કામ ચાલી રહ્યું છે. જાણો આ ફિચરમાં શું હશે ખાસ................ 

કઇ રીતે કામ કરશે આ ફિચર-
રિપોર્ટ્સ અનુસાર, યુટ્યૂબ (Youtube)ના આગામી અપડેટમાં તમને આ સુવિધા મળશે, એટલે કે કોઇપણ કન્ટેન્ટ ક્રિએટર્સ (Content Creators) યુટ્યૂબ પર શોર્ટ્સ વીડિયો (Shorts Video) બનાવવા દરમિયાન પોતાનો વૉઇસઓવર એટલે કે ફ્રેશ વૉઇસને બોલીને વીડિયો બનાવી શકે છે. હાલમાં વીડિયો (Video) બનાવવા દરમિયાન અમે યુટ્યૂબની લાઇબ્રેરીના ઓડિયોનો ઉપયોગ કરવાનો ઓપ્શન મળે છે, પરંતુ નવુ ફિચર આવ્યા બાદ સ્થિતિ બદલાઇ જશે, તમે તમારા હિસાબથી બોલીને વીડિયો બનાવી શકશો, એટલે કે વૉઇસઓવર ફિચર તમને એક અલગ અનુભવ આપશે. 

યુટ્યૂબ શોર્ટ્સ આપી રહ્યો છે કમાણીનો મોકો- 
ઉલ્લેખનીય છે કે, પોતાની સાથે સાથે વધુમાં વધુ યૂઝર્સને જોડવા માટે યુટ્યૂબ શોર્ટ્સ (Youtube Shorts) કમાણીનો મોકો પણ આપી રહ્યો છે. કંપનીએ ક્રિએટર્સ માટે 2021માં 100 મિલિયન ડૉલર એટલે કે લગભગ 735 કરોડ રૂપિયાના ફંડની જાહેરાત કરી હતી, આ ફંડ આ વર્ષે સારી કન્ટેન્ટ બનાવનારાઓને આપવામાં આવશે. 

 

આ પણ વાંચો-----