Hun To Bolish : હું તો બોલીશ : આ 'દેવ' દાનવ છે !
Hun To Bolish : હું તો બોલીશ : આ 'દેવ' દાનવ છે !
સુરતનો તથ્ય...દેવ ડેર....કે જેણે આજે એક પરિવારનો આધારસ્તંભ ગણાતા મોભીને મોતને ઘાટ ઉતારી દીધા....અગાઉ અલગ અલગ પોલીસ સ્ટેશનમાં અકસ્માતના ગુનામાં ઝડપાઈ ચૂકેલા આ નબીરાએ આજે વધુ એક અકસ્માત સર્જયો...અને વેસુથી સુરત રેલવે સ્ટેશન માતા-પિતાને લેવા જવા નીકળેલા એક કાપડ વેપારી સંજય ધૂતને અડફેટે લીધા....અકસ્માત એવો ખતરનાક હતો કે, બાઈક ચાલક સંજયભાઈ બ્રિજના એક છેડેથી 15થી 20 ફૂટ જેટલા ફંગોળાઈને બ્રિજના બીજા છેડે પડ્યા...એક તરફ મૃતકના માતા-પિતા રેલવે સ્ટેશન પર દીકરાની વાટ જોઈ રહ્યા હતા...તો બીજી તરફ તેમને માથા પર ગંભીર ઈજા પહોંચવાના કારણે તેઓનું ઘટના સ્થળે જ મૃત્યુ થયું....અકસ્માત સર્જ્યા બાદ આ નબીરો દેવ ડેર ત્યાંથી ફરાર થઈ ગયો...જો કે પોલીસે ગણતરીના કલાકોમાં જ ઝડપી પાડ્યો...કારમાંથી પોલીસને ભાજપનો ખેસ, ખાલી પ્લાસ્ટિકના ગ્લાસ, કોલ્ડ્રિંગ્સ ભરેલી પ્લાસ્ટિકની બોટલ મળી આવી છે....નબીરાની કારમાંથી જે કોલ્ડ્રિંગ્સ મળી આવ્યું છે તેમાં દારૂ મિક્સ હતો કે નહીં તેની તપાસ FSLએ હાથ ધરી છે....સ્પીડ બાબતે આરટીઓનું સર્ટિફિકેટ મેળવવામાં આવશે...લાયસન્સ સસ્પેન્ડ કરવા અંગેની કાર્યવાહી કરવામાં આવશે...દેવની કારનો વીમો પણ એક્સપાયર હોવાનું સામે આવ્યું છે....
કાપડ વેપારીને સંતાનમાં એક પુત્ર છે....મૃતક સંજય ધૂત સુરતના વરાછામાં આવેલી જૂની બોમ્બે માર્કેટમાં કાપડની દુકાન ધરાવતા હતા....પુત્રના અભ્યાસની સાથે પિતાને આર્થિક રીતે મદદરૂપ બનતા હતા....સંજયભાઈના માતા પિતા વતનથી સુરત આવવાના હોવાથી તેમને વહેલી સવારે તેઓ ઘરેથી રેલવે સ્ટેશન જવા નીકળ્યા હતા...તે દરમિયાન આ નબીરાએ તેમને અડફેટે લીધા....
આ એ દેવ છે જેના અગાઉ અનેક કારનામા બહાર આવી ચૂક્યા છે....8 ઓગસ્ટે મોડી રાત્રે દેવની કારનો અન્ય કાર સાથે અકસ્માત થયો....ત્યારબાદ ઝઘડો થયો...જેમાં દેવ ડેરે પોતાની કારના બોનેટ પર એક યુવકને લટકાવી દીધો... અને પોતાની કાર બેથી અઢી કિલોમીટર સુધી દોડાવી ગેલેક્સી સર્કલથી નિશાંત સર્કલ તરફ છોડ્યો હતો...પોલીસે સમગ્ર ઘટનામાં દેવ ડેર સામે કલમ 185 અને 337 હેઠળ ગુનો નોંધી ધરપકડ કરી હતી...દેવ ડેરે ત્યારે ખુદ કબૂલ્યું હતું કે, તે દમણથી દારૂ પીને આવ્યો હતો....અને કારમાં દારૂ પીતા પીતા સુરતના રસ્તા પર ગાડી દોડાવી રહ્યો હતો....
26મી ઓક્ટોબર 2022ની રાત્રે સવા એક વાગ્યે વેસુ સોમેશ્વરા ચાર રસ્તા પાસે આવેલા ઇન્ડિયન ઓઇલ પેટ્રોલપંપ ઉપર ડીઝલ પૂરવા લાઇન તોડી ઘૂસી ગયો હતો....ત્યારબાદ કર્મચારીને એરગનથી માર મારી પેટ્રોલપંપ સળગાવવાનો પ્રયાસ કર્યો હતો...ત્યારે પણ ઉમરા પોલીસે તેની ધરપકડ કરી હતી....
ટોપ સ્ટોરી
ટ્રેન્ડિંગ સમાચાર
