અમદાવાદમાં કુરિયર કંપનીનો કર્મચારી લૂંટાયો, 1 કરોડ 77 લાખના દાગીનાની લૂંટ કરી લૂંટારુઓ ફરાર

અમદાવાદના મેઘાણીનગરમાં થર્ટી ફર્સ્ટની રાત્રીના જ કુરિયર કંપનીના કર્મચારી પાસેથી 1 કરોડ 77 લાખની લૂંટની ઘટના બની હતી. જય માતાજી લોજીસ્ટ કુરિયરના વિદ્યાધર શર્મા અને જગદીશભાઈ બાઈક પર રાત્રીના સમયે એરકાર્ગો રોડ પરથી પસાર થઈ રહ્યા હતા ત્યારે ત્રણ શખ્સો આવ્યા હતા અને બાઈક સવારો પર હુમલો કર્યો હતો. લાકડાના ફટકાથી કુરિયર કંપનીના બંને કર્મચારીઓને ત્રણ શખ્સોએ માર મારી હાથમાં રહેલી સોના-ચાંદીના દાગીના અને રોકડ ભરેલી બેગની લૂંટ ચલાવી ફરાર થઈ ગયા હતા.