ભારત બંધ: અમાદાવાદના સાણંદ રોડ પર ચક્કાજામ કરવા કૉંગ્રેસ કાર્યકરોએ ટાયરો સળગાવ્યા, જુઓ વીડિયો 

આજે કૃષિ કાયદાના વિરોધમાં આંદલોન કરી રહેલા ખેડૂતોએ ભારત બંધનું એલાન આપ્યું છે. બીજી તરફ ભારત બંધના એલાનને લઈને રાજ્યમાં 144ની કલમ લાગુ કરી દેવામાં આવી છે. ત્યારે આજે સાણંદ એ.પી.એમ.સી દ્વારા સ્વયંભૂ બંધના એલાનના અહેવાલ બાદ સત્તાધીશો દોડતા થઈ ગયા હતા. સાણંદ ખાતે મોડી રાતે ભારત બંધના સમર્થનમાં કોંગ્રેસના આગેવાનોએ ટાયર સળગાવ્યા હતા. રોડ પર ચક્કાજામ કરવાનો સાણંદ કોંગ્રેસના આગેવાનો દ્વારા પ્રયાસ કરાયો હતો. મોડી રાતે ભારત બંધના સમર્થનમાં વિરોધ કરાયો હતો. અમદાવાદ ગ્રામ્ય પોલીસે તમામ કાર્યકરોની અટકાયત કરી હતી.