અમદાવાદઃ છેલ્લા સાત મહિનાથી બંધ કેમ્પ હનુમાન મંદિર ખોલવાને લઇને ક્યારે આવી શકે છે નિર્ણય?

છેલ્લા સાત મહિનાથી બંધ અમદાવાદમાં આવેલા કેમ્પ હનુમાન મંદિરને ખોલવાની માંગણી સાથે ચેરીટી કમિશનરમાં થયેલી અરજી પર ચેરિટી કમિશનર પક્ષકારોને સાંભળ્યા બાદ આવતીકાલે હુકમ કરી શકે છે. કેમ્પ હનુમાન મંદિર ટ્રસ્ટને મંદિર ખોલવા માટે નિર્દેશો જાહેર થાય એવી ચેરિટી કમિશનર સમક્ષ માંગણી કરાઇ છે. તે સિવાય કોરોના ગાઇડલાઇનનું પાલન થાય તે પ્રકારની વ્યવસ્થા ઉભી કરવાની પણ રજૂઆત કરાઇ છે. ભક્તોની લાગણી ન દુભાય તે માટે યોગ્ય આયોજન કરી અને મંદિર ફરીથી ભક્તો માટે શરૂ કરવામાં આવે તેવી પણ છે રજૂઆત કરાઇ હતી.