કમોસમી વરસાદના કારણે મોરબી જિલ્લાના ડેમ ઓવરફ્લો થયા , જુઓ વીડિયો

પાછોતરા વરસાદના કારણે મોરબી જિલ્લાના ડેમ ઓવરફ્લો થયા હતા. મોરબી જિલ્લામા આવેલો મચ્છુ એક, મચ્છુ બે અને મચ્છુ ત્રણ ડેમ ઓવરફ્લો થયા હતા. મચ્છુ 2 ડેમનો એક દરવાજો એક ફૂટ સુધી ખોલવામાં આવ્યો હતો. જેના કારણે મચ્છુ એક ડેમના 32 ગામને એલર્ટ કરવામાં આવ્યા છે. મોરબી તાલુકાના અમરેલી, ભડિયાદ, ધરમપુર,ગોરખીજડીયા, ગુંગણ, જોધપર, જુના સાદુંળકા,લીલાપર, પાનસર સહિતના ગામોને એલર્ટ કરાયા હતા.  ઉપરાંત માળિયા તાલુકાના બહાદુરગઢ, દેરાળા, ફાટસર, હરીપર, જુના નાગડાવાસ, મહેન્દ્રગઢ, માળિયા-મિયાણા, મેધપર, નવાગામ, નવા નાગડાવાસ સહિતના ગામોને સૂચના આપવામાં આવી હતી.