બરોડા ડેરીમાં મોટાપાયે ગેરવહીવટ થતા હોવાના મધુ શ્રીવાસ્તવે લગાવ્યા આરોપ

સહકારી સંસ્થામાં રાજકીય પક્ષની દખલગીરીથી મોટા પાયે ગેરવહિવટ થતા હોવાની હવે ફરિયાદ બરોડા ડેરીમાં પણ ઉઠી છે. વડોદરાના વાઘોડીયાના ધારાસભ્ય મઘુશ્રીવાસ્તવે બરોડા ડેરીમાં મોટા પાયે ગેરવહીવટ થતા હોવાનો આરોપ લગાવીને સહકારી સંસ્થામાં રાજકીય પક્ષની દખલગીરીનો મુદ્દો ઉઠાવતા જ ડેરીની રાજનીતિમાં ઉભરો આવ્યો છે.. મધુશ્રીવાસ્તવે ડેરીના સત્તાધીશો પર સ્પષ્ટ અને ગંભીર આરોપ લગાવતા કહ્યું કે ડેરીના સત્તાધીશોના કારણે પશુપાલકોનું હિત જોખમાયુ છે. એટલુ જ નહી, નામ લીધા સિવાય દિનુ મામા સહિતના ભાજપના જ સહકારી નેતાઓ વિરૂદ્ધ મધુ શ્રીવાસ્તવે ગંભીર આરોપો લગાવ્યા.. મધુ શ્રીવાસ્તવે આટલેથી ન અટકતા ડેરીમાં ચાલતા ગેરવહિવટની તપાસની પણ માગ કરી છે