Subsidy Offer: ખેડૂતો દિવાળી પર ઘરે લઈ આવો નવું ટ્રેકટર, 50 ટકા સુધી સબસિડી આપી રહી છે સરકાર

Kisan Tractor Scheme: ટ્રેકટરની કિંમત વધુ હોવાથી નાના અને સીમાંત ખેડૂતો માટે ટ્રેક્ટર ખરીદવું લગભગ અશક્ય છે. આ કારણોસર મોટાભાગના ખેડૂતોએ બળદની મદદથી પરંપરાગત ખેતી કરવી પડે છે.

ટ્રેકટરથી ખેતી કરતી મહિલાની ફાઈલ તસવીર

Source : PTI

PM Kisan Tractor Yojana:  ખેતીને સરળ બનાવવા માટે યાંત્રિકરણને પ્રોત્સાહન આપવામાં આવી રહ્યું છે. આનાથી ખેડૂતોના શ્રમ અને સંસાધનોની ઘણી બચત થાય છે. છેલ્લા કેટલાક સમયથી ખેતીમાં ટ્રેક્ટરનો ઉપયોગ પણ વધી રહ્યો છે. હવે, ખેતરો ખેડવાથી માંડીને કાપણી પછીના સંચાલન સુધી, કૃષિ ઓજારોને ટ્રેક્ટર સાથે જોડીને પણ ઉપયોગમાં લેવાય છે. આ ટ્રેકટરો પાકને બજારમાં લઈ જવા માટે ફાર્મ ટ્રેક્ટર બની જાય છે.  

આ રીતે, હવે ટ્રેક્ટરની ઉપયોગિતા વધી રહી છે, પરંતુ તેની કિંમત વધુ હોવાથી નાના અને સીમાંત ખેડૂતો માટે ટ્રેક્ટર ખરીદવું લગભગ અશક્ય છે. આ કારણોસર મોટાભાગના ખેડૂતોએ બળદની મદદથી પરંપરાગત ખેતી કરવી પડે છે. આવી સ્થિતિમાં ખેડૂતોને રાહત આપતા ટ્રેક્ટર સબસિડી યોજના ચલાવવામાં આવી રહી છે, જે અંતર્ગત ખેડૂતોને ટ્રેક્ટરની ખરીદી પર 20 થી 50 ટકા સબસિડી આપવામાં આવે છે. આ યોજનાનો લાભ લઈને આર્થિક રીતે નબળા અને નાના ખેડૂતોને ઘણો ફાયદો થઈ શકે છે.

ટ્રેક્ટર પર સબસિડી

પ્રધાનમંત્રી કિસાન ટ્રેક્ટર યોજના 2022 હેઠળ આર્થિક રીતે નબળા ખેડૂતો તેમજ નાના અને સીમાંત ખેડૂતોને ટ્રેક્ટરની ખરીદી પર 20 થી 50 ટકા સબસિડી આપવામાં આવે છે. આ યોજના હેઠળ, સબસિડીની રકમ ટ્રેક્ટરની કિંમત પર ચૂકવવામાં આવે છે, જ્યારે GST અને તેને લગતા અન્ય ખર્ચ ખેડૂતોએ પોતે જ ભોગવવાના હોય છે. આ યોજના હેઠળ, વિવિધ રાજ્ય સરકારો ખેડૂતો પાસેથી અરજીઓ આમંત્રિત કરે છે. જો ખેડૂતો ઇચ્છે તો કેન્દ્ર અથવા રાજ્ય સરકારની સીધી સહાયથી, ટ્રેક્ટર પર સબસિડી યોજનાનો લાભ લઈને, તેઓ અડધી કિંમતે ટ્રેક્ટર ખરીદી શકે છે.

યોજના પાત્રતા

• પીએમ કિસાન ટ્રેક્ટર યોજના હેઠળ, સરકારે ખેડૂતો માટે ટ્રેક્ટર પર સબસિડીનો લાભ લેવા માટે પાત્રતા નક્કી કરી છે, જે હેઠળ ફક્ત કૃષિ ખેડૂતોને ટ્રેક્ટરની ખરીદી પર સબસિડી આપવામાં આવશે.
• ખેડૂત પાસે પોતાની ખેતીલાયક જમીન હોવી જરૂરી છે.
• આધાર-PAN સાથે જોડાયેલ ખાતું ભારતની કોઈપણ બેંકમાં હોવું જોઈએ.
• ખેડૂત પરિવારની વાર્ષિક આવક માત્ર 1.5 લાખ રૂપિયા સુધીની હોવી જોઈએ.
• જો ખેડૂત પાસે પહેલાથી જ ટ્રેક્ટર હોય તો તે યોજનાનો લાભ મેળવશે નહીં.
• સબસિડીનો લાભ માત્ર એક ટ્રેક્ટર ખરીદવા માટે જ મળશે.

જરૂરી દસ્તાવેજો

• ખેડૂતનું આધાર કાર્ડ
• ખેડૂતનું પાન કાર્ડ
• 7 -12, 8 અ ની નકલ
• ખેડૂતના બેંક ખાતાની વિગતો-પાસબુકની નકલ
• આધાર સાથે લિંક મોબાઈલ નંબર
• પાસપોર્ટ સાઇઝનો ફોટો

અહીં અરજી કરો

• ટ્રેક્ટર સબસિડી સ્કીમ 2022 માટે પાત્ર ખેડૂતો તેમના નજીકના પબ્લિક સર્વિસ સેન્ટર અથવા કોમન સર્વિસ સેન્ટર (CSC પોર્ટલ)ની મદદથી ઓનલાઇન અથવા ઑફલાઇન અરજી કરી શકે છે.
• જો ખેડૂતો ઇચ્છે તો, આ યોજના સંબંધિત વધુ માહિતી માટે, તેઓ તેમના જિલ્લામાં નજીકની કૃષિ વિભાગની કચેરીનો પણ સંપર્ક કરી શકે છે.

Disclaimer: અહીં આપવામાં આવેલી માહિતી માત્ર અમુક મીડિયા રિપોર્ટ્સ અને માહિતી પર આધારિત છે. કોઈપણ માહિતીને વ્યવહારમાં મૂકતા પહેલા, સંબંધિત નિષ્ણાતની સલાહ લો.