અ'વાદઃ કૃષ્ણ સામે દંડવત કરતો આ અમેરિકન છે 7000 કરોડનો માલિક, ખ્રિસ્તી ધર્મ છોડી બન્યો છે હિંદુ, 350 કરોડ મંદિર માટે આપ્યા છે દાનમાં

અમદાવાદ: જગવિખ્યાત ફોર્ડ મોટર કંપનીના વારસદારો પૈકી એક આલ્ફ્રેડ ફોર્ડ બે દિવસ માટે અમદાવાદ શહેરના મહેમાન બન્યા છે. આલ્ફ્રેડ પોતે ફોર્ડ કંપનીના સ્થાપક હેન્રી ફોર્ડના પ્રપૌત્ર છે. શનિવારે સાંજે એસજી હાઈવે પર ઇસ્કોન મંદિરમાં આલ્ફ્રેડ ફોર્ડે ભગવાન કૃષ્ણની મૂર્તિ સામે સાષ્ટાંગ દંડવત પ્રણામ કર્યા હતા.

આલ્ફ્રેડ ફોર્ડે હવાઇમાં ફર્સ્ટ હિન્દુ ટેમ્પલ બનાવવામાં દાન કર્યું હતું. આલ્ફ્રેડે ડેટ્રોઇટમાં ભક્તિવેદાંતા કલ્ચરલ સેન્ટર પણ બનાવ્યું હતું. આલ્ફ્રેડે છેલ્લા કેટલાક વર્ષોમાં ઇસ્કોનમાં કરોડો રૂપિયાનું દાન કર્યું છે. આલ્ફ્રેડ શ્રી માયાપુર ટેમ્પલના ચેરમેન છે.