coronavirusથી અમિતાભ બચ્ચનને પણ લાગ્યો ડર! કર્યો એવો નિર્ણય કે ફેન્સ પર થશે નિરાશ

સદીના મહાનાકાય છેલ્લા 37 વર્ષોથી દર રવિવારે જૂહુ સ્થિત પોતાના આવાસ 'જલસા'માં પ્રશંસકોને મળે છે. તેમના આ સાપ્તાહિક મિલન કાર્યક્રમનું નામ 'સંડે દર્શન' છે.

મુંબઈઃ કોરોના વાઇરસ સમગ્ર દુનિયામાં ફેલાઈ રહ્યો છે અને ભારત પણ તેમાંથી બાકાત નથી. આ ભયના માહોલમાં સેલેબ્સ લોકોને જાગૃત કરી સુરક્ષિત રહેવા આગ્રહ કરી રહ્યા છે. શાળા, કોલેજ, થિયેટર્સ વગેરે બંધ કરી દેવામાં આવ્યા છે. વધુ લોકો એકસાથે ભેગા ન થાય અને સુરક્ષિત રહે તે માટે અમિતાભ બચ્ચને તેમના ઘર જલસા પાસેની રવિવારની ફેન મીટ કેન્સલ કરી દીધી છે. તેમણે ટ્વીટ કરીને આ વાતની જાણ કરી છે. તેમણે લખ્યું કે, ‘મારી વિનંતી છે કે આજે જલસાના દરવાજા પાસે ન આવતા, સન્ડે મીટ માટે હું નથી આવવાનો. સુરક્ષિત રહો.’ સદીના મહાનાકાય છેલ્લા 37 વર્ષોથી દર રવિવારે જૂહુ સ્થિત પોતાના આવાસ 'જલસા'માં પ્રશંસકોને મળે છે. તેમના આ સાપ્તાહિક મિલન કાર્યક્રમનું નામ 'સંડે દર્શન' છે. મોટી સંખ્યામાં પ્રશંસકો તેમને મળવા આવે છે. પરંતુ આજે આ દર્શન નહીં થાય.

T 3470 - To all Ef and well wishers an earnest request !PLEASE DO NOT COME TO JALSA GATE TODAY .. SUNDAY MEET am not going to come ! Take PRECAUTIONS .. be safe Sunday का दर्शन Jalsa पे cancel है , कृपया कोई वहाँ जमा ना हों आज श्याम को । सुरक्षित रहें🙏🙏🙏 pic.twitter.com/USm4kZBEYo

— Amitabh Bachchan (@SrBachchan) March 15, 2020

બિગ બી સોશિયલ મીડિયા ઉપર ખૂબ જ એક્ટિવ રહે છે. તાજેતરમાં અમિતાભ બચ્ચને દેશમાં કોરોના વાયરસના વધતા ખતરા અંગે ચિંતા વ્યક્ત કરી હતી.

T 3468 - Concerned about the COVID 19 .. just doodled some lines .. in verse .. please stay safe .. 🙏 pic.twitter.com/80idolmkRZ

— Amitabh Bachchan (@SrBachchan) March 12, 2020

બિગ બીએ લોકોને કોરોનાથી સાવધાન રહેવાની અપીલ પણ કરી હતી. અને પોતાની વાતોને કેટલીક પંક્તિઓમાં વ્યક્ત કરી હતી. તેઓ પોતાની ફિટનેશનું ખુબ જ ધ્યાન રાખે છે અને ખૂબજ એક્ટિવ રહે છે. હાલમાં અમિતાભ બચ્ચન બ્રહ્માસ્ત્રનું શૂટિંગ કરી રહ્યા છે. આ ફિલ્મની શૂટિંગ પણ કોરોના વાયરસના કારણે રોકવામાં આવ્યું છે.