![ABP Premium](https://cdn.abplive.com/imagebank/Premium-ad-Icon.png)
Health: શું આપનું પેટ ઘઉંથી બનેલા ફૂડ ખાધા બાદ પેટ ફુલી જાય છે? જાણો કારણો અને ઉપચાર
ઘઉંના લોટની રોટલી દરેક ઘરમાં બને છે. જો તમને આની એલર્જી થવા લાગે તો તમે શું કરશો? આ સાથે જો તમે તેનાથી બનેલી કોઈ પણ વસ્તુ ખાશો તો તમારું શરીર રોટલીની જેમ ફૂલવા લાગશે. જાણો શું છે આ બીમારી...
![Health: શું આપનું પેટ ઘઉંથી બનેલા ફૂડ ખાધા બાદ પેટ ફુલી જાય છે? જાણો કારણો અને ઉપચાર Celiac disease symptoms and how its treated Health: શું આપનું પેટ ઘઉંથી બનેલા ફૂડ ખાધા બાદ પેટ ફુલી જાય છે? જાણો કારણો અને ઉપચાર](https://feeds.abplive.com/onecms/images/uploaded-images/2023/05/25/5b282fbc8ff12f6e6c3305ea456d29a5168500568450981_original.jpg?impolicy=abp_cdn&imwidth=1200&height=675)
Health:ઘઉંના લોટની રોટલી દરેક ઘરમાં બને છે. જો તમને આની એલર્જી થવા લાગે તો તમે શું કરશો? આ સાથે જો તમે તેનાથી બનેલી કોઈ પણ વસ્તુ ખાશો તો તમારું શરીર રોટલીની જેમ ફૂલવા લાગશે. જાણો શું છે આ બીમારી...
ઘણીવાર તમે જોયું હશે કે ઘઉંમાંથી બનેલી વસ્તુઓ ખાવાથી કેટલાક લોકો બીમાર થઈ જાય છે. પેટમાં દુખાવો, ગેસ, કબજિયાત, પેટનું ફૂલવું જેવી સમસ્યાઓ થાય છે. કેટલાક લોકોને એલર્જી પણ થાય છે. આવું એટલા માટે થાય છે કારણ કે આવા લોકોને ગ્લુટેનની એલર્જી હોય છે. ધાન્યના લોટમાં રહેલું નત્રિલ દ્રવ્ય પ્રત્યે એલર્જીના કારણે થતા આ રોગને તબીબી પરિભાષામાં સેલિયાક રોગ કહેવાય છે. ચાલો જાણીએ કે આ રોગ શા માટે થાય છે અને તેમાં અન્ય કઈ કઈ સમસ્યાઓનો સામનો કરવો પડી શકે છે.
સેલિયાક રોગ શું છે
સેલિયાક રોગ એ સ્વયંપ્રતિરક્ષા સ્થિતિ છે. જ્યારે ધાન્યના લોટમાં રહેલું ગ્લૂટેન દ્રવ્ય આપણા આંતરડામાં પહોંચે છે. તે રોગપ્રતિકારક શક્તિ સામે એન્ટિબોડીઝનું ઉત્પાદન શરૂ કરે છે. આ એન્ટિબોડી નાના આંતરડાના અસ્તરને નુકસાન પહોંચાડે છે. જ્યારે આંતરડાના અસ્તરને નુકસાન થાય છે, ત્યારે તે ખોરાકમાંથી પોષક તત્વોના શોષણને અસર કરે છે. જેના કારણે શરીરમાં પોષણની કમી થાય છે. સામાન્ય રીતે આ રોગ એવા લોકોને થાય છે જેમના પરિવારમાં આ સમસ્યા હોય એટલે કે તે વ્યક્તિના જનીનો પર નિર્ભર કરે છે. Celiac રોગ વિશ્વભરમાં લગભગ 100 માંથી એક વ્યક્તિને અસર કરે છે અને ઘણી વખત લોકોને તેની જાણ પણ હોતી નથી. જ્યારે તમે વધુ ધાન્યના લોટ લેવાનું શરૂ કરો છો, ત્યારે તેના લક્ષણો વિકસિત થવાનું શરૂ થાય છે. તે 8 થી 12 મહિનાની ઉંમરથી 60 વર્ષની વયની વ્યક્તિમાં ગમે ત્યારે વિકસી શકે છે.
સેલિયાક રોગના લક્ષણો
- ઝાડા થઇ જવા
- થાકી જવું
- વજન ઘટી જવું
- પેટનો સોજો
- ગેસ બનવો
- પેટમાં દુખાવો
- કબજિયાત રહે છે
- ઉબકા અને ઉલટી થવી
- માથાનો દુખાવો
- ત્વચાની એલર્જી
સેલિયાક માટે સારવાર
જ્યારે સેલિયાક રોગ થાય છે, ત્યારે રોગપ્રતિકારક શક્તિ નબળી પડવા લાગે છે અને તમે ઘણા રોગોથી ઘેરાઈ શકો છો. આવી સ્થિતિમાં, જો તમે સામાન્ય લક્ષણોમાં ડૉક્ટરની સલાહ ન લો, તો આ રોગ ગંભીર સ્વરૂપ લઈ શકે છે. જો તમને પણ ઉપરોક્ત લક્ષણો દેખાય, તો તરત જ ડૉક્ટરનો સંપર્ક કરો અને ડાયટમાં ગ્લેટેન યુક્ત વસ્તુઓ ન લો. આ સાથે તમારી રોગપ્રતિકારક શક્તિને બૂસ્ટ કરતા ફૂડ લેવાનો આગ્રહ રાખો.
Check out below Health Tools-
Calculate Your Body Mass Index ( BMI )
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)