Tax Free Alcohol: હવે આ મુસ્લિમ દેશમાં દારૂ પણ ટેક્સ ફ્રી, જાણો સરકારે કેમ આવો નિર્ણય કર્યો

દારુ પરથી ટેક્સ હટાવ્યા બાદ હવે સરકારને દારૂ પર મળતો 30 ટકા ટેક્સની ખોટ જશે.

પ્રતિકાત્મક તસવીર

Tax Free Alcohol: વિશ્વભરના પ્રવાસીઓને આકર્ષવા માટે, દુબઈ વિવિધ પ્રયાસો કરતું રહે છે. લોકોને આકર્ષિત કરતી ઘણી વસ્તુઓ પર કાં તો શૂન્ય ટેક્સ છે અથવા તો ખૂબ ઓછો ટેક્સ છે. પરંતુ અત્યાર સુધી દારૂ પર 30 ટકા ટેક્સ હતો. એટલું જ નહીં, જે લોકો દારૂનું લાઇસન્સ લેતા હતા તેમને પણ ચોક્કસ ફી ચૂકવવી પડતી હતી. નવા વર્ષ નિમિત્તે, દુબઈ પ્રશાસને દારૂના વેચાણ પરના ટેક્સ અને લાયસન્સ ફી બંનેને નાબૂદ કરવાની જાહેરાત કરી છે.

ટુરીઝમને પ્રોત્સાહન આપવા આમ કર્યું

આ મહત્વપૂર્ણ જાહેરાત દુબઈના રાજવી પરિવાર દ્વારા નવા વર્ષ એટલે કે 1 જાન્યુઆરી, 2023ના રોજ કરવામાં આવી હતી. મીડિયામાં પ્રાપ્ત માહિતી અનુસાર, પ્રવાસનને વધુ પ્રોત્સાહન આપવા માટે દારૂના વેચાણ પર 30 ટકા ટેક્સ નાબૂદ કરવામાં આવ્યો હતો. આ સાથે દારૂનું લાઇસન્સ મેળવવા માટે લેવામાં આવતી બંને ફી નાબૂદ કરવાની પણ જાહેરાત કરવામાં આવી હતી. આ જાહેરાત દુબઈની બે સરકારી લિકર કંપનીઓ દ્વારા નવા વર્ષ પર કરવામાં આવી છે. આ બંને કંપનીઓ અમીરાત ગ્રુપનો ભાગ છે. આ જાહેરાત શાસક અલ મકતુમ પરિવારના આદેશ પર કરવામાં આવી હતી.

દુબઈમાં રમઝાનમાં પણ દારૂ મળે છે

પ્રવાસીઓને પ્રોત્સાહન આપવા માટે, દુબઈએ ઘણા પ્રવાસી મૈત્રીપૂર્ણ પગલાં લીધાં છે. તાજેતરમાં રમઝાન માસ દરમિયાન દિવસ દરમિયાન દારૂ વેચવાની પણ પરવાનગી આપવામાં આવી છે. જ્યારે કોવિડ લોકડાઉન ચાલી રહ્યું હતું ત્યારે ત્યાં દારૂની હોમ-ડિલિવરી પણ શરૂ કરવામાં આવી હતી. આ નિર્ણયો પાછળનું કારણ દુબઈને દારૂના વેચાણમાંથી મળતી આવક હતી. પરંતુ હવે લીધેલા નિર્ણયથી દુબઈ સરકારે આ મહત્વની આવક ગુમાવવી પડશે.

દુબઈમાં બિન-મુસ્લિમોને દારૂ પીવાની છૂટ છે

દુબઈના કાયદા હેઠળ, બિન-મુસ્લિમો દારૂ પીવા માટે 21 કે તેથી વધુ ઉંમરના હોવા જોઈએ. પીનારાઓએ દુબઈ પોલીસ દ્વારા જારી કરાયેલ પ્લાસ્ટિક કાર્ડ સાથે રાખવું જરૂરી છે. આ કાર્ડ તેમને બીયર, વાઇન અને દારૂ ખરીદવાની મંજૂરી આપે છે. ઉપરાંત તેઓ તેનું પરિવહન અને વપરાશ કરી શકે છે. જેમની પાસે આ કાર્ડ નથી, તેમણે આમ કરવા બદલ દંડ ભરવો પડી શકે છે. આ સાથે ધરપકડનો ભય પણ છે. ત્યાંના મોટા ભાગના બાર, નાઈટ ક્લબ અને લાઉન્જ શેખની માલિકીના છે. આમાં, દારૂ પીનારા પાસેથી ભાગ્યે જ પરમિટની માંગ કરવામાં આવે છે, પરંતુ લોકો ભયભીત છે.

દુબઈ કેવી રીતે ટેક્સ ફ્રી દારૂ ખરીદતું હતું

દુબઈમાં ભલે અગાઉ દારૂના વેચાણ પર ટેક્સ લાગતો હતો, પરંતુ ત્યાંના શોખીનો ટેક્સ ફ્રી આલ્કોહોલ પર જલસા કરતા હતા. મિન્ટે અહેવાલ આપ્યો છે કે દુબઈના રહેવાસીઓ લાંબા સમયથી જથ્થાબંધ, કરમુક્ત આલ્કોહોલની ખરીદી કરવા માટે ઉમ્મ અલ-ક્વેન અને અન્ય અમીરાતની મુલાકાત લેતા હતા. આ એટલા માટે છે કારણ કે દુબઈ પ્રમાણમાં ઉદાર તરીકે જાણીતું છે. દુબઈની બાજુમાં શારજાહ છે, જે સંયુક્ત આરબ અમીરાતનો પણ એક ભાગ છે, જ્યાં દારૂ પર પ્રતિબંધ છે. એ જ રીતે પાડોશી દેશો ઈરાન, કુવૈત અને સાઉદી અરેબિયામાં પણ દારૂ પર પ્રતિબંધ છે.