Train Accident: હાવડામાં બે ટ્રેન વચ્ચે ટ્કકર, ત્રણ કોચ રેલવે ટ્રેક પરથી ઉતરી જતાં દુર્ઘટના
Howrah Train Accident: હાવડાના સંતરાગાચી અને શાલીમાર સ્ટેશન વચ્ચે તિરુપતિ એક્સપ્રેસ બીજી ટ્રેન સાથે અથડાઈ હતી. અધિકારીઓ ઘટનાસ્થળે પહોંચી ગયા છે અને પાટા પરથી ઉતરેલી બોગીને હટાવવાની કામગીરી શરૂ કરી દેવામાં આવી છે.
Howrah Train Accident: હાવડાના સંતરાગાચી અને શાલીમાર સ્ટેશન વચ્ચે બે ટ્રેનો અથડાઈ હતી. સંતરાગાચી-તિરુપતિ એક્સપ્રેસ (ખાલી) સંત્રાગાચીથી શાલીમાર જઈ રહી હતી, એક એન્જિન બાજુની લાઇન પર બે બોગીને ખેંચી રહ્યું હતું. બંને ટ્રેનો સામસામે અથડાઈ હતી, જેના કારણે કુલ 3 બોગી પાટા પરથી ઉતરી ગઈ હતી.
ત્રણ બોગી પાટા પરથી ઉતરી ગઈ
આ અકસ્માતને કારણે સલીમાર-સંતરાગાછી લાઇન પર ટ્રેનોની અવરજવર ખોરવાઈ ગઈ હતી. દુર્ઘટનાને કારણે બે ટ્રેનોના સમયમાં ફેરફાર કરવામાં આવ્યો છે. તિરુપતિ એક્સપ્રેસના બે ડબ્બા અને બીજી ટ્રેનનો એક ડબ્બો પાટા પરથી ઉતરી ગયો છે. રેલવે અધિકારીઓ ઘટનાસ્થળે પહોંચી ગયા છે અને પાટા પરથી ઉતરેલી બોગીને હટાવવાની કામગીરી શરૂ કરી દેવામાં આવી છે. રેલવે અધિકારીઓ આ મામલે તપાસ કરી રહ્યા છે. ટૂંક સમયમાં ટ્રેનોના સંચાલનને સામાન્ય બનાવવાના પ્રયાસો કરવામાં આવી રહ્યો છે
તાજેતરમાં જ જલગાંવમાં એક મોટો અકસ્માત થયો હતો.
આ પહેલા મહારાષ્ટ્રના જલગાંવ જિલ્લામાં બુધવારે (22 જાન્યુઆરી 2025) એક ટ્રેન અકસ્માતમાં 13 લોકોના મોત થયા હતા અને 10 ઘાયલ થયા હતા. બ્રેક લગાવ્યા બાદ પુષ્પક એક્સપ્રેસના પૈડામાંથી તણખા નીકળવા લાગ્યા, જેના કારણે મુસાફરોને લાગ્યું કે, આગ લાગી છે અને ત્યારબાદ અરાજકતાનો માહોલ સર્જાયો હતો. પોતાનો જીવ બચાવવા લોકો ટ્રેનની ચેઈન ખેંચીને પાટા પર કૂદવા લાગ્યા. કેટલાક લોકો ટ્રેનની એક બાજુના કલ્વર્ટની દિવાલ પાસે કૂદી પડ્યા હતા અને કેટલાક લોકો બીજી તરફ રેલવે ટ્રેક પર ઉતર્યા હતા.
ટોપ સ્ટોરી
ટ્રેન્ડિંગ સમાચાર
