Gujarat Heat Wave: ગરમીનો પારો 42 ડિગ્રીએ પહોંચશે, વિદ્યાનગર બન્યું રાજ્યનું સૌથી ગરમ શહેર
Gujarat Weather, Heat Wave: રાજ્યમાં ફરી એકવાર આકરી ગરમી શરૂ થઇ ગઇ છે. માર્ચના અંતિમ દિવસોમાં સમગ્ર ગુજરાતમાં ગરમીનું તાપમાન સતત વધી રહ્યું છે
Gujarat Weather, Heat Wave: ગુજરાતમાં ગરમીનો પારો સતત વધી રહ્યો છે. સૂર્યદેવ તપી રહ્યાં છે અને આગામી દિવસોમાં તાપમાનનો પારો 42 ડિગ્રીએ પહોંચવાની આગાહી કરવામાં આવી છે. હાલમાં 9 શહેરોમાં ગરમીનો પારો 40 ડિગ્રીને પાર પહોંચતા ગુજરાતવાસીઓ પરેશાન થઇ ગયા છે. અત્યારે ઉત્તર-પશ્ચિમથી ઉત્તર ગરમ સૂકા પવનો શરૂ થયા છે જેના કારણે ગરમીની સાથે સાથે બફારાનું પ્રમાણ વધશે.
રાજ્યમાં ફરી એકવાર આકરી ગરમી શરૂ થઇ ગઇ છે. માર્ચના અંતિમ દિવસોમાં સમગ્ર ગુજરાતમાં ગરમીનું તાપમાન સતત વધી રહ્યું છે. તાજા આંકડા પ્રમાણે, રાજ્યના 9 શહેરોમાં ગરમીનો પારો 40 ડિગ્રીને પાર પહોંચ્યો છે, અને આગામી 2 દિવસમાં ગરમીનો પારો હજુ પણ 42 ડિગ્રીએ પહોંચી શકે છે. હવામાનને લઇને આગાહી છે કે, ઉત્તર-પશ્ચિમથી ઉત્તર ગરમ સૂકા પવનો શરૂ થયા છે જેના કારણે રાજ્યમાં હજુ પણ ગરમીનો પારો ઉંચો જશે અને રાત્રિના સમયે ગરમી અને બફારાનું પ્રમાણ વધશે. હાલમાં સોમવારે આણંદનું વિદ્યાનગર 41.3 ડિગ્રીએ પહોંચ્યુ હતુ, આ સાથે જ વિદ્યાનગર રાજ્યનું સૌથી ગરમ શહેર પણ બન્યુ હતું.
આકરા તાપમાં શેકાવવા તૈયાર રહો, ગરમીનો પારો 2-3 ડિગ્રી વધશે -
ભારતીય હવામાન વિભાગના જણાવ્યા અનુસાર, છેલ્લા ૧૨૫ વર્ષમાં ફેબ્રુઆરીમાં આટલી ભારે ગરમી કયારેય જોવા મળી નથી. તાજેતરના વર્ષોમાં, ગરમીના મોજા ફક્ત વહેલા જ નથી આવી રહ્યા, પરંતુ તેમની તીવ્રતા પણ વધી રહી છે. ફેબ્રુઆરી ૨૦૨૫ દરમિયાન, ભારતના ૨૨ રાજ્યો અને કેન્દ્રશાસિત પ્રદેશોમાં રાત્રિનું તાપમાન સામાન્ય કરતા ત્રણ થી પાંચ ડિગ્રી સેલ્સિયસ વધુ હતું. 11 થી 23 ફેબ્રુઆરી દરમિયાન, દેશના ૩૧ રાજ્યો અને કેન્દ્રશાસિત પ્રદેશોમાં ઓછામાં ઓછા એક દિવસ માટે રાત્રિનું તાપમાન સામાન્ય કરતા વધારે નોંધાયું હતું.
હવામાન નિષ્ણાત અંબાલાલ પટેલે માર્ચ મહિનામાં ગુજરાતનું વાતાવરણ બદલાતું રહે તેવી શક્યતા વ્યક્ત કરી છે. તેમણે કહ્યું કે, 20 એપ્રિલથી ગરમી વધુ ગરમી પડવાની શક્યતા છે. 26 મે સુધી આંધી વંટોળની શક્યતા દેખાઈ રહી છે. તો આ વર્ષે અમદાવાદ, વડોદરા, પંચમહાલમાં આકરી ગરમીની શક્યતા તેમણે દર્શાવી છે. આ વર્ષે દક્ષિણ ગુજરાતમાં પણ ગરમી વધશે. કચ્છમાં પવન સાથે ગરમી પડવાની શક્યતા છે.
ટ્રેન્ડિંગ સમાચાર
ટોપ સ્ટોરી
