ઠંડીથી ખેડૂતોના મોતને લઈ AAPના ઇસુદાન ગઢવીએ ભાજપ સરકાર પર આકરા પ્રહાર કર્યા
ગુજરાતમાં છેલ્લા ઘણા દિવસોથી કાતિલ ઠંડી પડી રહી છે. રાજ્યમાં ઠંડીના કારણે ખેડૂતોના મોતની ઘટનાને લઈ AAPના પ્રદેશ પ્રમુખ ઇસુદાન ગઢવીએ ભાજપ સરકાર પર આકરા પ્રહાર કર્યા છે.
ગાંધીનગર: ગુજરાતમાં છેલ્લા ઘણા દિવસોથી કાતિલ ઠંડી પડી રહી છે. રાજ્યમાં ઠંડીના કારણે ખેડૂતોના મોતની ઘટનાને લઈ AAPના પ્રદેશ પ્રમુખ ઇસુદાન ગઢવીએ ભાજપ સરકાર પર આકરા પ્રહાર કર્યા છે. ઈસુદાન ગઢવીએ કહ્યું, ભાજપે ખેડૂતો સાથે વિશ્વાસઘાત કર્યો છે. કિસાન સૂર્યોદય સહિત તમામ યોજના કાગળ પર હોવાનો આરોપ લગાવ્યો છે. ખેડૂતોને દિવસે ક્યારે વીજળી મળશે તેવા સવાલ કરી સરકાર પાસે જવાબ માગ્યો છે.
સૂર્યોદય યોજના માત્ર કાગળ પર
— AAP Gujarat (@AAPGujarat) January 27, 2023
દિવસે વીજળી ના મળતા આવી કડકડતી ઠંડીમાં રાત્રે પાણી વાળવા મજબુર થયા ખેડૂતો pic.twitter.com/cIMYe9LCyN
ખેડૂતોની સમસ્યાને લઈ આમ આદમી પાર્ટીના નેતા સાગર રબારીએ ભાજપ સરકારને આડેહાથ લીધી છે. હાઈવે, એરપોર્ટની જેમ કેનાલનું પણ સરકાર ખાનગીકરણ કરશે તેવો દાવો કર્યો છે. તેમણે વધુમાં કહ્યું કે, મોટા કોર્પોરેટ હાઉસ કેનાલ ખરીદી લેશે અને ખેડૂતોને પાણી માટે પૈસા ચૂકવવા પડશે.
હવામાન વિભાગની આગાહી વચ્ચે અમદાવાદના અનેક વિસ્તારોમાં કમોસમી વરસાદ
હવામાન વિભાગની વરસાદની આગાહી વચ્ચે ભરશિયાળામાં કેટલાક વિસ્તારોમાં કમોસમી વરસાદ વરસી રહ્યો છે. શહેરના પૂર્વના વસ્ત્રાલ, ઓઢવ અને અમરાઇવાડીમાં કમોસમી વરસાદ વરસ્યો હતો. મણીનગર, કાંકરિયા, ખોખરા વિસ્તારમાં પણ વરસાદ વરસ્યો હતો. ઇસનપુર, લાંભા અને વટવામાં પણ વરસાદ વરસ્યો હતો.
ઈસનપુર, નારોલમાં પણ વરસાદ નોંધાયો હતો. ઈસનપુર વિસ્તારમાં માવઠાએ લગ્નની મજા બગાડી હતી. લગ્નમાં આવેલા મહેમાનોએ ભોજનની થાળીઓ સાથે દોડવાની ફરજ પડી હતી. પૂર્વ વિસ્તારમાં વાદળછાયું વાતાવરણ અને તો કેટલાક વિસ્તારોમાં વરસાદ પડી રહ્યો છે.
વડોદરા શહેરના અનેક વિસ્તારમાં ઝરમર ઝરમર વરસાદ શરૂ થયો છે. કમોસમી વરસાદને કારણે શહેરીજનો પરેશાન થયા છે. શહેરના નિઝામપુરા, છાણી, સમા, ગોરવા, ફતેહગંજ, સયાજીગંજ, હરણી સહિતના વિસ્તારમાં કમોસમી વરસાદ વરસ્યો હતો. ખેડા જિલ્લામાં ઠંડકભર્યા વાતવરણ વચ્ચે વરસાદી ઝાપટા પડ્યા છે. ગળતેશ્વર તાલુકામાં વીજળીના કડાકા સાથે વરસાદી ઝાપટા પડ્યા. વરસાદી ઝાપટા પડતા ખેડૂતોની મુશ્કેલીમાં વધારો થયો છે.
સુરતના હજીરામાં પણ વાતાવરણમાં પલટો જોવા મળ્યાં. અહીં ઠંડા પવનો સાથે કમોસમી વરસાદ પડતા ઠંડી વધી હતી જેના કારણે લોકો હાડ થીજાવતી ઠંડીનો અનુભવ કરી રહ્યાં છે. કમોસમી વરસાદ થતાં ચણા, કપાસ, જીરૂ અને ઘઉંના પાકને વ્યાપક નુકસાનની ભીતિ સેવાઇ રહી છે. વેસ્ટન ડિસ્ટર્બન્સના કારણે વડોદરાના સાવલીમાં ભારે પવન અને વીજળીના કડાકા સાથે વરસાદ પડ્યો હતો જેના કારણે પાકને નુકસાન થવાની સંભાવના સેવાઇ રહી છે. કમોસમી વરસાદના કારણે ધરતીપુત્રોની ચિંતા વધી છે.
ટ્રેન્ડિંગ સમાચાર
ટોપ સ્ટોરી
