Viral Video: કાર કે બસને ધકકા મારતાં જોયા હશે, પણ હેલિકોપ્ટરને ધક્કો મારતાં જોયું છે ?

Viral Video: થરા ખાતે યોજાઈ રહેલા ભરવાડ સમાજના કાર્યક્રમમાં પુષ્પ વર્ષા માટે લાવેલા હેલિકૉપટરમાં ખામી સર્જાતા હેલિકૉપટરને ધક્કા મારવો પડ્યો હોવાનું જાણવા મળ્યું છે.

હેલિકોપ્ટરને ધક્કો મારતાં લોકો

Viral Video:  બનાસકાંઠા જિલ્લાના સોસfયલ મીડિયામાં હેલિકોપ્ટરને ધક્કા મારતો વીડિયો વાયરલ થયો છે. વાયરલ વીડિયો થરા વિસ્તારનો હોવાનું સામે આવ્યું છે. થરા ખાતે યોજાઈ રહેલા ભરવાડ સમાજના કાર્યક્રમમાં પુષ્પ વર્ષા માટે લાવેલા હેલિકૉપટરમાં ખામી સર્જાતા હેલિકૉપટરને ધક્કા મારવો પડ્યો હોવાનું જાણવા મળ્યું છે. અન્ય હેલિકોપ્ટર આવવાનું હોવાથી આ હેલિકોપ્ટર ધક્કો મારીને ખસેડવામાં આવ્યું હતું. સોશિયલ મીડિયામાં વાયરલ થયેલા વીડિયોનું એબીપી અસ્મિતા પુષ્ટિ કરતું નથી.

ગુજરાતમાં ક્યારથી ઘટશે ઠંડી, જાણો હવામાન વિભાગે શું કરી આગાહી

 હવામાન વિભાગ દ્વારા આગામી પાંચ દિવસને લઇ આગાહી કરવામાં આવી છે. જે મુજબ લઘુત્તમ તાપમાનમાં ઘટાડો નહીં થાય, આગામી સમયમાં ઠંડીનું જોર ઘટશે અને તાપમાનમાં વધારો નોંધાશે. પવનની ગતિ ધીમી પડતા ઠંડી ઘટશે. હાલ વધુ એક વેસ્ટર્ન ડિસ્ટબન્સને કારણે તાપમાનમાં વધારો નોંધાશે. નલિયામાં 4.2 તાપમાન, અમદાવાદ 13 અને ગાંધીનગરમાં 11 ડિગ્રી તાપમાન નોંધાયું

 ઉત્તર ભારતમાં ફરી એકવાર વાતાવરણ ઠંડું થઈ ગયું છે. લોકો સવાર-સાંજ ઠંડી અને ધુમ્મસનો સામનો કરી રહ્યા છે. ભારે પવનને કારણે ઉત્તર ભારતમાં એક જ રાતમાં તાપમાનમાં 4 ડિગ્રીનો ઘટાડો થયો છે. હવામાન વિભાગે ફેબ્રુઆરી 2023માં વરસાદની આગાહી પણ કરી છે. હવામાન વિભાગનું કહેવું છે કે ફેબ્રુઆરીમાં સમગ્ર દેશમાં માસિક વરસાદ સામાન્ય રહેવાની શક્યતા છે. તે જ સમયે, દેશના મોટાભાગના ભાગોમાં માસિક લઘુત્તમ તાપમાન સામાન્ય કરતા ઓછું રહેવાની સંભાવના છે.

બિહારમાં લઘુત્તમ તાપમાનમાં ઘટાડો થશે

બિહારનું લઘુત્તમ તાપમાન આગામી ચાર-પાંચ દિવસ સુધી ઘટવાનું ચાલુ રહેશે. હવામાન વિભાગના જણાવ્યા અનુસાર આગામી ચાર-પાંચ દિવસ દરમિયાન બિહારના જિલ્લાઓમાં તાપમાનમાં ચારથી છ ડિગ્રીનો ઘટાડો થવાની સંભાવના છે. રાજ્યના મોટાભાગના જિલ્લાઓમાં બુધવારે લઘુત્તમ તાપમાનમાં ઘટાડો જોવા મળશે. અહીં પણ લોકોને ઝડપી પવનનો સામનો કરવો પડશે. પહાડી રાજ્યોમાં હિમવર્ષાથી લોકોની મુશ્કેલીમાં વધારો થયો છે. હિમાચલ પ્રદેશ, લદ્દાખ અને જમ્મુ-કાશ્મીરમાં સતત હિમવર્ષા થઈ રહી છે. જમ્મુ અને કાશ્મીરના ગુલમર્ગમાં સ્કી રિસોર્ટમાં એક વિશાળ ભૂસ્ખલન થયું, જેમાં બે વિદેશી નાગરિકોના મોત થયા છે. આ પછી અહીં બચાવ કામગીરી ચાલી રહી છે.

છત્તીસગઢમાં ઠંડી વધી શકે છે

હવામાનશાસ્ત્રી એચપી ચંદ્રાના જણાવ્યા અનુસાર, છત્તીસગઢમાં ઉત્તરથી નીચા સ્તરે પવન આવવાને કારણે લઘુત્તમ તાપમાનમાં ઘટાડાનો સમયગાળો શરૂ થયો છે. આગામી બે દિવસ સુધી ડાઉનટ્રેન્ડ ચાલુ રહેવાની શક્યતા છે. 2 ફેબ્રુઆરીએ રાજ્યમાં હવામાન મુખ્યત્વે સૂકું રહેવાની શક્યતા છે. આગામી દિવસોમાં છત્તીસગઢમાં ફરી એકવાર ઠંડી વધવાની સંભાવના છે.