Maharashtra Election Result: પ્રચંડ જીત બાદ મુંબઈ BJP ઓફિસમાં લાગ્યું 'એક હૈ તો સેફ હૈ'નું પોસ્ટર
ભાજપ ગઠબંધન 200થી વધુ બેઠકો પર આગળ છે. આ દરમિયાન મુંબઈમાં ભાજપ કાર્યાલયમાં 'એક હૈં તો સૈફ હૈ'નું પોસ્ટર લગાવવામાં આવ્યું છે.
મહારાષ્ટ્ર ચૂંટણીમાં મહાયુતિને જંગી જીત મળતી હોય તેમ લાગી રહ્યું છે. ભાજપ ગઠબંધન 200થી વધુ બેઠકો પર આગળ છે. આ દરમિયાન મુંબઈમાં ભાજપ કાર્યાલયમાં 'એક હૈં તો સૈફ હૈ'નું પોસ્ટર લગાવવામાં આવ્યું છે. ઉલ્લેખનીય છે કે આ સૂત્રએ ભાજપને જીત અપાવવામાં ખૂબ મહત્વની ભૂમિકા ભજવી છે. ભારતીય જનતા પાર્ટી મહારાષ્ટ્રમાં એકલા હાથે 125થી વધુ બેઠકો પર આગળ છે.
પરિણામોની શરૂઆતમાં લીડ બનાવી
આજે સવારે 8 વાગ્યાથી પરિણામ આવવાનું શરૂ થયું ત્યારે ભાજપ ગઠબંધન આગળ હતું. આ વલણ સતત આગળ વધતું રહ્યું, પરિણામે ભાજપ ગઠબંધન 200+ બેઠકો પર આગળ રહ્યું અને કોંગ્રેસ ગઠબંધન ઘટીને 58 બેઠકો પર આવી ગયું.
દેવેંદ્ર ફડણવીસ મુખ્યમંત્રી બની શકે છે
મહાયુતિની સરકારમાં વાપસી બાદ હવે ચર્ચા એ છે કે રાજ્યના મુખ્યમંત્રી કોણ બનશે? પ્રાપ્ત માહિતી અનુસાર રાજ્યમાં સીએમ પદની રેસમાં દેવેન્દ્ર ફડણવીસ સૌથી આગળ છે. કહેવામાં આવી રહ્યું છે કે ફડણવીસને રાજ્યના નવા સીએમ બનાવવામાં આવી શકે છે. ભાજપ અધ્યક્ષ પણ તેમને મળવા પહોંચ્યા છે. ફડણવીસના ઘરમાં હલચલ તેજ થઈ છે.
PM મોદી સાંજે બીજેપી હેડક્વાર્ટરની મુલાકાત લેશે, જીત પર અભિનંદન આપશે
પ્રધાનમંત્રી મોદી સાંજે બીજેપી હેડક્વાર્ટર જશે અને ભાજપના તમામ કાર્યકર્તાઓને જીત પર અભિનંદન પાઠવશે. આ દરમિયાન પીએમ સંબોધન પણ કરશે.
દેવેન્દ્ર ફડણવીસના નાગપુર નિવાસસ્થાને ઉજવણીની તૈયારીઓ
નાગપુરમાં દેવેન્દ્ર ફડણવીસના નિવાસસ્થાને ઉજવણીની તૈયારીઓ ચાલી રહી છે. દેવેન્દ્રની માતાએ તેમને ફોન કરીને જીત માટે અભિનંદન પાઠવ્યા છે. દેવેન્દ્રના ઘરમાં ઉત્સવનો માહોલ છે.
મહારાષ્ટ્રના મુખ્યમંત્રી એકનાથ શિંદેએ તમામ મતદારોનો આભાર માન્યો અને કહ્યું કે આ એક મોટી જીત છે. શિંદેએ કહ્યું કે અમને તમામ વર્ગોના મત મળ્યા છે. સીએમ એકનાથ શિંદેએ કહ્યું કે મહાયુતિના તમામ કાર્યકર્તાઓ ખંતથી કામ કરી રહ્યા છે. સીએમ શિંદેએ કહ્યું કે તેઓએ અમને એવી જીત અપાવી છે જે પહેલા ક્યારેય નથી થઈ જ્યારે કેન્દ્ર અને રાજ્ય સરકારો સાથે મળીને કામ કરે છે ત્યારે વિકાસ થાય છે. કેન્દ્ર સરકારે હંમેશા અમારા રાજ્યને મદદ કરી છે.
ટ્રેન્ડિંગ સમાચાર
ટોપ સ્ટોરી
