Covid-19: આગરામાં Sapna Chaudharyના કાર્યક્રમમાં ઉડ્યા કોરોના નિયમોના ધજાગરા, આખી રાત ચાલ્યો પ્રોગ્રામ

જાણીતી ડાન્સર સપના ચૌધરી કાલે આગરામાં હતી, અહીં તેને એક પ્રૉગ્રામમાં પરફોર્મન્સ આપવાનુ હતુ, આ દરમિયાન સપનાના કાર્યક્રમને જોવા સેંકડો લોકોની ભીડ એકઠી થઇ ગઇ

Sapnajpg_P_(2)

Corona Protocol: એકબાજુ જ્યાં કોરોનાનુ સંક્રમણ દેશમાં સતત વધી રહ્યું છે, તો બીજીબાજુ લોકો કોરોનાના નિયમોના ધજાગરા ઉડાવતા દેખાઇ રહ્યાં છે. ગઇ રાત્રે જાણીતી હરિયાણવી ડાન્સર સપના ચૌધરીના (Sapna Chaudhary) ડાન્સના કાર્યક્રમમાં નિયમોના ધજાગરા ઉડતા જોવા મળ્યા. આ કાર્યક્રમ દરમિયાન કોરોના નિયમોને (Corona Protocol) લોકોએ નેવે મુકી દીધા હોય તેમ સ્પષ્ટ રીતે દેખાઇ રહ્યું હતુ. 

ખરેખરમાં, જાણીતી ડાન્સર સપના ચૌધરી કાલે આગરામાં હતી, અહીં તેને એક પ્રૉગ્રામમાં પરફોર્મન્સ આપવાનુ હતુ, આ દરમિયાન સપનાના કાર્યક્રમને જોવા સેંકડો લોકોની ભીડ એકઠી થઇ ગઇ, અને ખુલ્લેઆમ સોશ્યલ ડિસ્ટન્સિંગના ધજાગરા ઉડ્યા. કાર્યક્રમમાં ભીડ એટલી વધી ગઇ કે અહીં કોરોનાની ગાઇડલાઇનનુ પાલન જ ના થયુ. વળી બીજીબાજુ સપના ચૌધરીનો આ ડાન્સ પ્રોગ્રામ આખી રાત ચાલુ રહ્યો. 

રિપોર્ટનુ માનીએ તો કાર્યક્રમમાં કેટલાય લોકો માસ્ક વગર પણ ફરતા દેખાઇ રહ્યાં હતા. ઉલ્લેખનીય છે કે જાણીતી ડાન્સર સપના ચૌધરી ટીવી શૉ બિગ બૉસમાં પણ ભાગ લઇ ચૂકી છે, અને અવારનવાર તે ડાન્સ અને વીડિયોને લઇને પણ ચર્ચામાં રહે છે. તેના ડાન્સને લોકો દ્વારા ખુબ પસંદ કરવામાં આવે છે, અને આ જ કારણોસર સપના ચૌધરીને જોવા સેંકડો લોકો ભેગા થઇ ગયા હતા. આ દરમિયાન કોરોનાની ગાઇડ લાઇનની પરવા કર્યા વિના સેંકડો લોકો ત્યાં પહોંચી ગયા હતા.

આ પણ વાંચો.......