કોરોનાની જેમ જ ફેલાય છે H3N2 વાયરસ, ડૉ. રણદીપ ગુલેરિયાએ તેનાથી બચવાના ઉપાયો જણાવ્યા

આ એક વાયરલ રોગ હોવાથી તે સરળતાથી એક વ્યક્તિથી બીજામાં ફેલાય છે. WHO અનુસાર, તે ભીડવાળી જગ્યાઓ પર સરળતાથી ફેલાઈ શકે છે.

પ્રતિકાત્મક તસવીર

Dr Randeep Guleria On H3N2: દેશમાં ભલે કોરોના વાયરસના દર્દીઓ ઓછા આવી રહ્યા હોય, પરંતુ શરદી-ખાંસી અને તાવના કેસ ઝડપથી વધી રહ્યા છે. ICMRનું કહેવું છે કે આ એક પ્રકારના ઈન્ફલ્યુએન્ઝા વાયરસને કારણે થઈ રહ્યું છે. ડૉક્ટરોનો દાવો છે કે H3N2ને કારણે હોસ્પિટલમાં દાખલ દર્દીઓની સંખ્યામાં પણ વધારો થયો છે. દરમિયાન મેદાન્તાના ડાયરેક્ટર ડૉ.રણદીપ ગુલેરિયાએ આનાથી વધુ ગભરાવાની સલાહ આપી છે.

ડો. ગુલેરિયાએ કહ્યું કે, "એક તરફ દેશમાં કોરોના વાયરસના કેસ ઘટી રહ્યા છે, પરંતુ શરદી-ખાંસી અને તાવના કેસ ઝડપથી વધી રહ્યા છે. દરમિયાન, ઘણા રાજ્યોમાં, A સબટાઈપ H3N2 ના દર્દીઓની સંખ્યા વધી રહી છે. ઈન્ફલ્યુએન્ઝા વાયરસ ઝડપથી વધ્યો છે." ડૉ. ગુલેરિયાએ કહ્યું, "H3N2 એક પ્રકારનો ઈન્ફલ્યુએન્ઝા વાયરસ છે જે આપણે દર વર્ષે વર્ષના આ સમયે જોઈએ છીએ."

'H1N1 નું સર્ક્યુલેટિંગ સ્ટ્રેન છે'

મેદાન્તાના ડિરેક્ટરે કહ્યું, "તે એક વાયરસ છે જે સમય સાથે પરિવર્તિત થાય છે. તેને એન્ટિજેનિક ડ્રિફ્ટ કહેવામાં આવે છે." તેમણે કહ્યું કે, "થોડા વર્ષો પહેલા H1N1 વાયરસની અસર જોવા મળી હતી. વર્તમાનમાં ફરતી સ્ટ્રેન H3N2 છે, તેથી તે એક સામાન્ય ઈન્ફલ્યુએન્ઝા સ્ટ્રેન છે. તે કોવિડ જેવા જ ટીપાં દ્વારા ફેલાય છે." તેમણે વધમાં કહ્યું કે, જેમને ગંભીર રોગ છે તેમણે સાવચેત રહેવાની જરૂર છે.

H3N2 વાયરસ સામે રક્ષણ

તેમણે આ વાયરસથી બચવા માટે સાવચેતી તરીકે માસ્ક પહેરવા, વારંવાર હાથ ધોવા અને શારીરિક અંતર જાળવવાની સલાહ આપી હતી. ડૉ. ગુલેરિયાએ એમ પણ કહ્યું છે કે આ ઈન્ફલ્યુએન્ઝાના ઉચ્ચ જોખમ ધરાવતા દર્દીઓ અને વૃદ્ધો માટે રસી જરૂરી છે.

તે જ સમયે, ઇન્ડિયન મેડિકલ એસોસિએશન (IMA) એ તેને મોસમી તાવ ગણાવ્યો છે, જે પાંચથી સાત દિવસ સુધી રહે છે. IMAએ સંક્રમિત વ્યક્તિને એન્ટિબાયોટિક્સ લેવાનું ટાળવાની સલાહ આપી છે.

તે કેવી રીતે ફેલાઈ શકે?

આ એક વાયરલ રોગ હોવાથી તે સરળતાથી એક વ્યક્તિથી બીજામાં ફેલાય છે. WHO અનુસાર, તે ભીડવાળી જગ્યાઓ પર સરળતાથી ફેલાઈ શકે છે.

જ્યારે ઈન્ફલ્યુએન્ઝાથી સંક્રમિત વ્યક્તિને ખાંસી કે છીંક આવે છે ત્યારે તેના ટીપાં હવામાં એક મીટર સુધી ફેલાઈ શકે છે અને જ્યારે અન્ય વ્યક્તિ શ્વાસ લે છે ત્યારે આ ટીપાં તેના શરીરમાં જઈને તેને ચેપ લગાડે છે.

એટલું જ નહીં, આ વાયરસ સંક્રમિત સપાટીને સ્પર્શવાથી પણ ફેલાય છે. તેથી, ખાંસી અથવા છીંકતી વખતે મોં ઢાંકવું જરૂરી છે. આ સાથે, તમારે વારંવાર તમારા હાથ ધોવાનું ચાલુ રાખવું જોઈએ.