Tiger 3: સલમાન ખાને બનાવ્યો મોટો રેકોર્ડ, 'ટાઇગર-3' બની એક્ટરની 100 કરોડ રૂપિયા કમાનારી 17મી ફિલ્મ

ટાઈગર 3 ની સફળતા બાદ સલમાન ખાનની ખુશી સાતમા આસમાને છે. પરંતુ શું તમે જાણો છો કે અભિનેતાએ આ ફિલ્મ સાથે એક નવો રેકોર્ડ બનાવ્યો છે.

ફોટોઃ ટ્વિટર

ટાઈગર 3 ની સફળતા બાદ સલમાન ખાનની ખુશી સાતમા આસમાને છે. પરંતુ શું તમે જાણો છો કે અભિનેતાએ આ ફિલ્મ સાથે એક નવો રેકોર્ડ બનાવ્યો છે.

સલમાન ખાન હાલમાં જ રિલીઝ થયેલી તેની ફિલ્મ 'ટાઈગર 3'ને લઈને ચર્ચામાં છે. આ ફિલ્મ બોક્સ ઓફિસ પર જોરદાર કમાણી કરી રહી છે. બે દિવસમાં 'ટાઈગર 3'એ 100 કરોડનો આંકડો પાર કરી લીધો હતો. ફિલ્મે ચાર દિવસમાં 169.50 કરોડ રૂપિયાની કમાણી કરી હતી. પરંતુ આ બ્લોકબસ્ટર કમાણી સાથે સલમાને આ ફિલ્મ દ્વારા એક નવો ઈતિહાસ રચ્યો છે.

સલમાન ખાનની 'ટાઈગર 3' તેના કરિયરની 17મી ફિલ્મ બની છે. જેણે બોક્સ ઓફિસ પર 100 કરોડથી વધુનું કલેક્શન કર્યું છે. ઇન્ડસ્ટ્રીમાં સલમાન એકમાત્ર એવો અભિનેતા છે જેની 17 ફિલ્મોએ 100 કરોડ રૂપિયાની કમાણી કરી છે.

'ટાઈગર 3' પહેલા સલમાન ખાનની ફિલ્મો દબંગ - 138.88 કરોડ, રેડી - 119.78 કરોડ, બોડીગાર્ડ - 148.86 કરોડ, એક થા ટાઈગર - 198.78 કરોડ, દબંગ 2 - 155 કરોડ, જય હો - 116 કરોડ – કિક-231.85, બજરંગી ભાઈજાન -320.34 કરોડ, પ્રેમ રતન ધન પાયો – 210.16 કરોડ, સુલતાન – 300.45 કરોડ, ટ્યુબલાઇટ – 119.26 કરોડની કમાણી કરી હતી.

આ સિવાય ટાઈગર ઝિંદા હૈ - 339.16 કરોડ, રેસ 3 - 166.40 કરોડ, ભારત - 211.07 કરોડ, દબંગ 3 - 146.40 કરોડ, કિસી કા ભાઈ કિસી કી જાન - 110.53 કરોડ અને ટાઇગર 3 એ ચાર દિવસમાં 165 કરોડ રૂપિયાની કમાણી કરી છે.

નોંધનીય છે કે 100 કરોડની કમાણી કરનારી ફિલ્મોની યાદીમાં એક્ટર અક્ષય કુમારનું નામ બીજા નંબર પર સામેલ છે. અત્યાર સુધીમાં અક્ષયની 16 ફિલ્મો એવી છે જેણે બોક્સ ઓફિસ પર 100 કરોડ રૂપિયાનો આંકડો પાર કર્યો છે.

'ટાઈગર 3'ની વાત કરીએ તો આ ફિલ્મમાં દર્શકો ફરી એકવાર સલમાન ખાન અને કેટરિના કૈફને શાનદાર એક્શન કરતા જોવા મળી રહ્યા છે. ઈમરાન હાશ્મી પણ આ ફિલ્મમાં પણ મોટી ભૂમિકામાં છે.