ચોકલેટ ખાવી ગમે છે તો થઈ જાવ સાવધાન, તેમાં લેડ અને કેડમિયમ જેવા ઘાતક પદાર્થો હોય છે

તાજેતરના અભ્યાસમાં જાણવા મળ્યું છે કે ચોકલેટમાં લીડ અને કેડમિયમ જેવી હાનિકારક ભારે ધાતુઓ હોય છે. આ ધાતુઓ બાળકો માટે ખૂબ જ ખરાબ છે. ચાલો તેના વિશે જાણીએ...

પ્રતિકાત્મક તસવીર

તાજેતરમાં એક અમેરિકન સંસ્થાએ 48 ચોકલેટ ઉત્પાદનોની તપાસ કરી હતી. આ તપાસમાં જાણવા મળ્યું કે લગભગ એક તૃતીયાંશ એટલે કે 16 ચોકલેટ ઉત્પાદનોમાં સીસું અને કેડમિયમ જેવી હાનિકારક ધાતુઓ ખૂબ ઊંચા કે ખતરનાક સ્તરે હોય છે.

શરીરમાં સીસાનું પ્રમાણ વધવાથી બાળકોના મગજનો વિકાસ યોગ્ય રીતે થતો નથી. સીસાના કારણે બાળકોનું મગજ નાનું રહે છે. બાળકો કાયમ માટે માનસિક રીતે બીમાર થઈ શકે છે. કેટલીકવાર માનસિક સંતુલન સંપૂર્ણપણે ખોરવાઈ જવાનો ભય રહે છે. ચોકલેટમાં લીડ અને કેડમિયમ જેવા હાનિકારક તત્વો મોટી માત્રામાં હોય છે. જેના કારણે બાળકોને હાઈ બ્લડ પ્રેશરની સમસ્યા પણ થઈ શકે છે. તેથી, ચોકલેટનું વધુ પડતું સેવન બાળકો માટે ખૂબ જ નુકસાનકારક છે.