PM મોદીએ કમલમ ખાતે મુલાકાત કરી કાર્યકરોને સંબોધન કર્યુ, જુઓ મુલાકાતની તસવીરો

પ્રધાનમંત્રી મોદીએ નેતાઓ અને કાર્યકરોને સંબોધન કર્યું

PM નરેન્દ્ર મોદીએ પોતાના ગુજરાત પ્રવાસના પ્રથમ દિવસે અમદાવાદ એરપોર્ટથી પ્રદેશ ભાજપ કાર્યાલય કમલમ સુધી ભવ્ય રોડ શૉ કર્યો હતો. પ્રદેશ કાર્યાલય કમલમ ખાતે પીએમ મોદીનું ભાજપ નેતાઓ અને કાર્યકરોએ સ્વાગત કર્યું હતું.

પ્રદેશ કાર્યાલય કમલમ ખાતે પીએમ મોદીનું ભાજપ નેતાઓ અને કાર્યકરોએ સ્વાગત કર્યું હતું.

પીએમ મોદીના સ્વાગત બાદ ભાજપના નેતાઓ અને કાર્યકરો સાથે એક મિટીંગ યોજાઈ હતી. આ મિટીંગમાં પ્રધાનમંત્રી મોદીએ નેતાઓ અને કાર્યકરોને સંબોધન કર્યું હતું અને માર્ગદર્શન આપ્યું હતું.

ગુજરાત પ્રદેશ ભાજપ કાર્યાલય ખાતે ભાજપનાના આગેવાનો તથા કાર્યકર્તાઓને ભાજપ સંગઠનના માધ્યમથી કેવી રીતે વધુ અસરકારક રીતે લોકોની સેવા કરી શકાય અને રાષ્ટ્રીય વિકાસમાં યોગદાન આપી શકાય તે અંગે પીએમ મોદીએ ચર્ચા કરી હતી.

પ્રધાનમંત્રી વડાપ્રધાન બન્યા બાદ ત્રીજી વખત પ્રદેશ ભાજપ કાર્યાલય કમલમની મુલાકાતે આવ્યા હતા. કમલમ ખાતેની મુલાકાત દરમ્યાન પીએમ મોદી અંદાજે દોઢથી બે કલાક રોકાયા હતા.

પીએમ મોદીના સ્વાગત માટે કમલમ ખાતે પીએમ મોદીના ફોટોની વિશાળ રંગોળી તૈયાર કરવામાં આવી હતી. પ્રધાનમંત્રી મોદીએ આ રંગોળીને નિહાળી હતી.