વેઇટિંગ ટિકિટને લઇને ટ્રેનમાં જાવ છો તો આટલી મળે છે સજા, આ છે રેલવેનો નવો નિયમ

ભારતીય રેલવે નેટવર્ક વિશ્વનું ચોથું સૌથી મોટું રેલવે નેટવર્ક છે. ભારતમાં દરરોજ 2.5 કરોડથી વધુ મુસાફરો ટ્રેનમાં મુસાફરી કરે છે. ટ્રેનની મુસાફરી ખૂબ જ આરામદાયક અને અનુકૂળ છે.

પ્રતિકાત્મક તસવીર

ભારતીય રેલવે નેટવર્ક વિશ્વનું ચોથું સૌથી મોટું રેલવે નેટવર્ક છે. ભારતમાં દરરોજ 2.5 કરોડથી વધુ મુસાફરો ટ્રેનમાં મુસાફરી કરે છે. ટ્રેનની મુસાફરી ખૂબ જ આરામદાયક અને અનુકૂળ છે. એટલા માટે મોટાભાગના લોકો ફક્ત ટ્રેનમાં જ મુસાફરી કરવાનું પસંદ કરે છે.

ભારતીય રેલવે મારફતે ટ્રેનમાં મુસાફરી કરતા મુસાફરો માટે ઘણા નિયમો બનાવવામાં આવ્યા છે. જેનું પાલન બધા મુસાફરોએ કરવાનું રહેશે. મોટાભાગના લોકો ટ્રેનમાં રિઝર્વેશન મેળવીને મુસાફરી કરવાનું પસંદ કરે છે. પરંતુ ઘણી વખત ટિકિટ વેઇટિંગ લિસ્ટમાં જાય છે.

ઘણા મુસાફરો વેઇટિંગ ટિકિટ સાથે પણ મુસાફરી કરે છે. પરંતુ ભારતીય રેલવેનો પણ ટ્રેનોમાં વેઇટિંગ ટિકિટ અંગે એક નિયમ છે. વેઇટિંગ ટિકિટ પર મુસાફરી કરવાના કારણે કેટલી સજા મળે છે.

જો તમારી ટિકિટ વેઇટિંગમાં છે. આનો અર્થ એ થયો કે રેલવે દ્વારા તમને ટ્રેનમાં કોઈ સીટ આપવામાં આવી નથી. પરંતુ આ હોવા છતાં કેટલાક લોકો વેઇટિંગ ટિકિટ લઈને ટ્રેનના રિઝર્વ્ડ કોચમાં પ્રવેશ કરે છે. તેથી તે મુશ્કેલીમાં મુકાઇ શકે છે.

જો તમે વેઇટિંગ ટિકિટ સાથે સ્લીપર કોચમાં મુસાફરી કરો છો. તો તમારે દંડ ભરવો પડશે. આમાં દંડ તરીકે અઢીસો રૂપિયા ચૂકવવા પડશે. આ ઉપરાંત તમારે જ્યાંથી તમે તમારી મુસાફરી શરૂ કરી હતી ત્યાંથી જ્યાં તમને TTE દ્વારા પકડવામાં આવ્યા છે ત્યાં સુધીનું ભાડું પણ ચૂકવવું પડશે. જો તમે આગળની મુસાફરી કરવા માંગો છો તો તમારે આગામી સ્ટેશન સુધીનું ભાડું ચૂકવવું પડશે.

જ્યારે જો તમે વેઇટિંગ ટિકિટ લઈને ટ્રેનના એસી કોચમાં બેસી જાવ છો તો તમારે ભાડાની રકમ સાથે 440 રૂપિયા દંડ ચૂકવવો પડશે. મુસાફરીના અંતરના આધારે ભાડાની રકમ બદલાઈ શકે છે.

જો તમે ઓનલાઈન ટિકિટ બુક કરાવો છો અને જો તમારી ટિકિટ વેઇટિંગમાં રહી જાય છે તો તમારી ટિકિટ આપમેળે રદ થઈ જશે અને તમને રિફંડ આપવામાં આવશે. પરંતુ કાઉન્ટર પરથી લીધેલી વેઇટિંગ ટિકિટ રદ થતી નથી.