રાજ્યસભામાંથી સસ્પેન્ડ કરાયેલા સાંસદોએ ગાંધી પ્રતિમા પાસે ધરણાં ચાલુ રાખ્યા, કરી છે આ વ્યવસ્થા

સસ્પેન્ડ કરાયેલા સાંસદોમાંના એક તૃણમૂલ કોંગ્રેસના ડોલા સેને કહ્યું કે સાંસદો ગાંધી પ્રતિમાની સામે ધરણા કરી રહ્યા છે અને રાત્રે પણ ત્યાં જ રહેશે.

રાજ્યસભા સાંસદોનો વિરોધ

સંસદમાં તેમના સસ્પેન્શન અને મોંઘવારી મુદ્દે ચર્ચાની માંગ સાથે લગભગ 50 કલાક સુધી વિરોધ પ્રદર્શન પર બેઠેલા સાંસદો માટે વિપક્ષી પાર્ટીઓ ભોજનની વ્યવસ્થા માટે વિશેષ વ્યવસ્થા કરી રહી છે. આ પ્રદર્શનમાં સામેલ સાંસદો માટે દહીં-ભાતથી લઈને ઈડલી-સાંભાર, ગાજરની ખીરથી લઈને ફળો સુધીની વ્યવસ્થા કરવામાં આવી છે.

વિરોધ પક્ષો તેમની એકતા અને રાજકીય શક્તિ દર્શાવવા માટે થઈ રહેલા પ્રદર્શન માટે એક થયા છે અને એક પછી એક પક્ષોને ધરણા પર બેઠેલા લોકો માટે ખાદ્યપદાર્થોથી લઈને અન્ય વ્યવસ્થા કરવાની જવાબદારી સોંપવામાં આવી છે.