IPL 2025: ઓરેન્જ કેપની રેસમાં નવા ખેલાડીની એન્ટ્રી, પૂરને તમામને છોડ્યા પાછળ

IPL 2025 Orange Cap Holder: લખનઉ સુપર જાયન્ટ્સના નિકોલસ પૂરને ગુરુવારે સનરાઇઝર્સ હૈદરાબાદ સામે 70 રનની ધમાકેદાર ઇનિંગ રમી હતી જેમાં રનની બાબતમાં મિશેલ માર્શ સહિત ઘણા ખેલાડીઓને પાછળ છોડી દીધા.

નિકોલસ પૂરન

IPL 2025 Orange Cap Holder: લખનઉ સુપર જાયન્ટ્સના નિકોલસ પૂરને ગુરુવારે સનરાઇઝર્સ હૈદરાબાદ સામે 70 રનની ધમાકેદાર ઇનિંગ રમી હતી જેમાં રનની બાબતમાં મિશેલ માર્શ સહિત ઘણા ખેલાડીઓને પાછળ છોડી દીધા.

ગુરુવારે IPL 2025ની સાતમી મેચ લખનઉ સુપર જાયન્ટ્સ અને સનરાઇઝર્સ હૈદરાબાદ વચ્ચે રમાઈ હતી. બંને ટીમો વચ્ચેની મેચ હૈદરાબાદના રાજીવ ગાંધી ઇન્ટરનેશનલ સ્ટેડિયમ ખાતે રમાઈ હતી. આ દરમિયાન લખનઉના નિકોલસ પૂરને ઝડપી અડધી સદીની ઇનિંગ રમી અને ઓરેન્જ કેપની રેસમાં ઘણા ખેલાડીઓને પાછળ છોડી દીધા હતા

પૂરણે માત્ર 26 બોલમાં 70 રન બનાવ્યા હતા. આ ઇનિંગમાં પૂરણે 6 ચોગ્ગા અને એટલા જ છગ્ગા ફટકાર્યા હતા. આ તેની સતત બીજી અડધી સદી છે. આ પહેલા તેણે દિલ્હી સામે ઝડપી 75 રન બનાવ્યા હતા. હવે ઓરેન્જ કેપ પૂરણ પાસે છે.

અત્યાર સુધીમાં પૂરણે 2 મેચમાં 72.50 ની સરેરાશથી 145 રન બનાવ્યા છે. આ સમયગાળા દરમિયાન તેનો સ્ટ્રાઇક રેટ 258.92 છે. ઓરેન્જ કેપની રેસમાં પૂરણે મિશેલ માર્શ, ટ્રેવિસ હેડ અને ઇશાન કિશન જેવા મહાન ખેલાડીઓને પાછળ છોડી દીધા છે.

આ યાદીમાં મિશેલ માર્શ બીજા સ્થાને છે. તેણે હૈદરાબાદ સામે 51 રનની ઇનિંગ પણ રમી હતી. તેણે 2 મેચમાં 62ની સરેરાશથી 124 રન બનાવ્યા છે. આ સમયગાળા દરમિયાન તેનો સ્ટ્રાઇક રેટ 185.07 રહ્યો છે. પૂરણ અને માર્શની ઇનિંગ્સને કારણે લખનઉએ હૈદરાબાદનો 191 રનનો લક્ષ્યાંક માત્ર 16.1 ઓવરમાં જ મેળવી લીધો હતો.

ટ્રેવિસ હેડ આ યાદીમાં ત્રીજા સ્થાને છે. તેણે 2 મેચમાં 57 ની સરેરાશથી 114 રન બનાવ્યા છે. આ સમયગાળા દરમિયાન તેણે 193.22 ના સ્ટ્રાઇક રેટથી રન બનાવ્યા છે. હેડે લખનઉ સામે 28 બોલમાં 167.86 ના સ્ટ્રાઇક રેટથી 47 રન બનાવ્યા હતા. બંને ટીમો વચ્ચેની મેચ પહેલા ઓરેન્જ કેપ હૈદરાબાદના ઇશાન કિશન પાસે હતી. જેમણે ટીમની પહેલી જ મેચમાં 106 રનની સદીની ઇનિંગ રમી હતી. પરંતુ લખનઉ સામે તે શૂન્ય રને આઉટ થયો હતો.