Asia Cup 2022: શેન વૉટસનની મોટી ભવિષ્યવાણી, કહ્યું- આ વખતે આ ટીમ જીતશે એશિયા કપ

રવિવારે રમાનારી મેચમાં ક્રિકેટની દુનિયામાં સૌથી મોટા પ્રતિદ્વંદ્વની ફરી એકવાર ટક્કર થવા જઇ રહી છે. જ્યારે ભારત અને પાકિસ્તાન પોતાના એશિયા કપ ગૃપ એથી અભિયાનની શરૂઆત કરશે. 

ફાઇલ તસવીર

Shane Watson On 2022 Asia Cup: એશિયા કપના માત્ર ગણતરીના દિવસો બાકી રહી ગયા છે, આ પહેલા તમામ છ દેશોની ટીમોએ એશિયા કપ જીતવા માટે કમર કરી લીધી છે. આ બધાની વચ્ચે ઓસ્ટ્રેલિયાના પૂર્વ ઓલરાઉન્ડર શેન વૉટસને એશિયા કપ 2022 માટે કઇ ટીમ જીતશે તેને લઇને મોટી ભવિષ્યવાણી કરી છે. શેન વૉટસનનુ માનનુ છે કે, 2022 એશિયા કપમાં 28 ઓગસ્ટે રમાનારી મેચમાં ભારત અને પાકિસ્તાનની મેચમાં જે જીતશે તે આ વખતે એશિયા કપનો વિનર પણ બનશે.

દુબઇમાં રવિવારે રમાનારી મેચમાં ક્રિકેટની દુનિયામાં સૌથી મોટા પ્રતિદ્વંદ્વની ફરી એકવાર ટક્કર થવા જઇ રહી છે. જ્યારે ભારત અને પાકિસ્તાન પોતાના એશિયા કપ ગૃપ એથી અભિયાનની શરૂઆત કરશે. 

શેન વૉટસને કહ્યું કે એશિયા કપની પહેલી મેચ બહુ જ ખાસ રહેવા જઇ રહી છે. કેમ કે પાકિસ્તાને અત્યાર પુરેપુરો વિશ્વાસ છે કે તે ભારતીય ટીમને હરાવી શકે છે, વાસ્તવમાં જે કોઇપણ આ મેચમાં જીતશે તે આગળ વધી જશે અને એશિયા કપ પણ જીતી જશે. શેન વૉટસનનુ માનવુ છે કે, આ મેચમાં જીતથી જે તે ટીમને આત્મવિશ્વાસ વધશે અને ટૂર્નામેન્ટ પોતાના નામે કરી લેશે.

ઉલ્લેખનીય છે કે, ગયા વર્ષે ટી20 વર્લ્ડકપમાં બન્ને ટીમો આમને સામને ટકરાઇ હતી, જેમાં ભારતીય ટીમને કારમી હારનો સામનો કરવો પડ્યો હતો. જોકે, આ વખતે ટીમે કૉચ અને કેપ્ટન બન્નેને બદલીને નવી ટીમ પાકિસ્તાન સામે ઉતારી છે. જોકે, આ વખતની ટક્કર પણ બન્ને વચ્ચે બરાબરીને રહેવાનુ અનુમાન છે.

આ પણ વાંચો........