IND vs AUS: વનડે સીરીઝમાં ભારત માટે માથાનો દુઃખાવો બનશે આ સ્પીનર, 2019 બાદ ઝડપી ચૂક્યો છે આટલી બધી વિકટો

ભારત વિરુદ્ધ ટેસ્ટ ક્રિકેટમાં ધમાલ મચાવનારા ઓસ્ટ્રેલિયન સ્પિનર નાથન લિયૉન, ટૉડ મર્ફી અને મેથ્યૂ કૂહેનમેન ઓસ્ટ્રેલિયા પરત ફરી ચૂક્યા છે.

ફાઇલ તસવીર

India vs Australia 1st ODI: ભારત અને ઓસ્ટ્રેલિયાની વચ્ચે ત્રણ વનડે મેચોની સીરીઝની પહેલી મેચ 17 માર્ચે રમાશે. બન્ને ટીમો વચ્ચેની આ મેચ મુંબઇના વાનખેડે સ્ટેડિયમમાં રમાશે. ટેસ્ટ સીરીઝમાં કાંગારુઓને 2-1ને હરાવ્યા બાદ ટીમ ઇન્ડિયાનો હોંસલો વધુ બુલંદ છે. આવામાં ભારતીય ટીમ પહેલી વનડે જીતીને સીરીઝમાં લીડ મેળવવા પ્રયાસ કરશે. આ વનડે સીરીઝમાં ઓસ્ટ્રેલિયન સ્પીનર એડમ જામ્પા ભારત માટે ખતરો બની શકે છે. 2019 ક્રિકેટ વર્લ્ડકપ બાદથી તેની બૉલિંગ આંકડા ચોંકાવનારા રહ્યાં છે. આમ પણ એડમ જામ્પાની બૉલિંગનો સામનો કરવો ભારતના વિરાટ કોહલીને પણ મુશ્કેલ પડે છે.

એડમ જામ્પાએ ઝડપી છે સૌથી વિકેટો - 
ભારત વિરુદ્ધ ટેસ્ટ ક્રિકેટમાં ધમાલ મચાવનારા ઓસ્ટ્રેલિયન સ્પિનર નાથન લિયૉન, ટૉડ મર્ફી અને મેથ્યૂ કૂહેનમેન ઓસ્ટ્રેલિયા પરત ફરી ચૂક્યા છે. હવે વનડે સીરીઝમાં સ્પિન બૉલિંગનો દારોમદાર એડમ જામ્પા અને એશ્ટન એગર પર છે. છેલ્લા કેટલાક વર્ષોથી જોઇએ તો ઓસ્ટ્રેલિયાનો એડમ જામ્પા વનડેમાં સૌથી વધુ સફળ સ્પિનર રહ્યો છે. ઇંગ્લેન્ડમાં રમાયેલા 2019 ક્રિકેટ વર્લ્ડકપ બાદથી તે આઇસીસી ફૂલ મેમ્બર્સનો પહેલો સ્પિનર્સ છે, જેને સૌથી વધુ 62 વિકેટો ઝડપી છે. આ કરિશ્માત તેને 37 મેચોમાં જ કર્યો છે. આ બધાની વચ્ચે તેને 24.7 ની સ્ટ્રાઇક રેટથી વિકેટો લીધી અને તેની ઇકૉનોમી 5 થી ઓછી રહી છે. લગભગ ત્રણ વર્ષોમાં ફૂલ મેમ્બર્સ દેશોનો કોઇ સ્પીનર એડમ જામ્પાથી વધુ વિકેટો નથી લઇ શક્યો. તાજેતરમાં જ દુબઇમાં રમાયેલી આઇએલટી20માં તે દુબઇ કેપિટલ્સનો ભાગ રહ્યો હતો. આ લીગમાં તે સંયુક્ત રીતે સૌથી વધુ 9 વિકેટો લેનારો બૉલર રહ્યો હતો. 

 

IND vs AUS 1st ODI Live Streaming: ભારત અને ઓસ્ટ્રેલિયા વચ્ચે વનડે સીરીઝની પહેલી મેચ ક્યારે ને ક્યાંથી જોઇ શકાશે લાઇવ ?

ક્યારે અને ક્યાંથો જોઇ શકાશે લાઇવ મેચ ?
ભારત અને ઓસ્ટ્રેલિયાની વચ્ચે ત્રણ મેચોની વનડે સીરીઝની પહેલી મેચ 17 માર્ચે બપોરે 1.30 વાગ્યાથી શરૂ થશે. આ મેચ મુંબઇના વાનખેડે સ્ટેડિયમમાં રમાશે. આ મેચનું લાઇવ ટેલિકાસ્ટ સ્ટાર સ્પોર્ટ્સ નેટવર્કની અલગ અલગ ચેનલો પરથી કરવામાં આવશે. મેચનું લાઇવ સ્ટ્રીમિંગ ડિઝ્ની+હૉટસ્ટાર એપ પર ઉપલબ્ધ રહેશે. 

કેવી છે બન્ને ટીમોની સ્કવૉડ ?

ભારતીય ટીમ - 
ઇશાન કિશન, શુભમન ગીલ, વિરાટ કોહલી, સૂર્યકુમાર યાદવ, કેએલ રાહુલ, હાર્દિક પંડ્યા (કેપ્ટન), રવિન્દ્ર જાડેજા, અક્ષર પટેલ, યુજવેન્દ્ર ચહલ, ઉમરાન મલિક, મોહમ્મદ સિરાજ, શાર્દૂલ ઠાકુર, કુલદીપ યાદવ, વૉશિંગટન સુંદર, મોહમ્મદ શમી, જયદેવ ઉનડકટ.

ઓસ્ટ્રેલિયન ટીમ - 
ડેવિડ વૉર્નર, કેમરૂન ગ્રીન, સ્ટીવ સ્મિથ (કેપ્ટન), ટ્રેવિસ હેડ, ગ્લેન મેક્સવેલ, માર્કસ સ્ટૉઇનિસ, જૉસ ઇંગ્લિસ, મિશેલ માર્શ, એશ્ટન એગર, એડમ જામ્પા, નાથન એલિસ, સીન એબૉટ, માર્નસ લાબુશાને, એલેક્સ કેરી.