Smriti Mandhana: સ્મૃતિ મંધાનાએ રચ્યો ઈતિહાસ, T20Iમા 3 હજાર રન બનાવનાર બીજી ભારતીય બની

Smriti Mandhana T20I Record:  સ્મૃતિ મંધાનાએ T20 ઇન્ટરનેશનલમાં 3000 રનનો આંકડો પાર કરી લીધો છે. T20 ઈન્ટરનેશનલમાં 3 હજાર રનનો આંકડો પાર કરનાર મંધાના એકંદરે છઠ્ઠી અને ભારતની બીજી ખેલાડી બની ગઈ છે.

( Image Source : PTI ) ( Image Source :PTI )

Smriti Mandhana T20I Record:  સ્મૃતિ મંધાનાએ T20 ઇન્ટરનેશનલમાં 3000 રનનો આંકડો પાર કરી લીધો છે. T20 ઈન્ટરનેશનલમાં 3 હજાર રનનો આંકડો પાર કરનાર મંધાના એકંદરે છઠ્ઠી અને ભારતની બીજી ખેલાડી બની ગઈ છે. મંધાનાએ ઓસ્ટ્રેલિયા સામે રમાયેલી પ્રથમ T20માં 3 હજારનો આંકડો પાર કર્યો હતો. મંધાના પહેલા માત્ર ભારતની કેપ્ટન હરમનપ્રીત કૌરે મહિલા ક્રિકેટમાં આ આંકડો પાર કર્યો હતો.

 

And Vice-captain @mandhana_smriti gets to her fifty too 👌👌#TeamIndia 9 runs away from win now!

Follow the Match ▶️ https://t.co/rNWyVNHrmk#INDvAUS | @IDFCFIRSTBank pic.twitter.com/zzDFMJFjes

— BCCI Women (@BCCIWomen) January 5, 2024

ઓસ્ટ્રેલિયા સામે રમાયેલી પ્રથમ T20માં મંધાનાએ લક્ષ્યનો પીછો કરતી વખતે 52 બોલમાં 54 રનની ઈનિંગ રમી હતી, જેમાં તેણે 7 ચોગ્ગા અને 1 છગ્ગો ફટકાર્યા હતા. તેણે ભારતને જીત અપાવવામાં મહત્વની ભૂમિકા ભજવી હતી.

મંધાના 126 T20 આંતરરાષ્ટ્રીય મેચ રમી છે

મંધાનાએ તેની કારકિર્દીમાં અત્યાર સુધી 126 T20 આંતરરાષ્ટ્રીય મેચ રમી છે. આ મેચોની 122 ઇનિંગ્સમાં બેટિંગ કરીને તેણે 27.49ની એવરેજ અને 122.08ની સ્ટ્રાઇક રેટથી 3052 રન બનાવ્યા છે. આ દરમિયાન તેના બેટમાંથી 23 અડધી સદી આવી છે. આ મહિલા ભારતીય બેટ્સમેને 2013માં બાંગ્લાદેશ સામે ટી20 ઈન્ટરનેશનલ ડેબ્યૂ કર્યું હતું. મંધાના એ ખેલાડીઓમાંથી એક છે જે ભારત માટે ત્રણેય ફોર્મેટમાં રમે છે.

ઓસ્ટ્રેલિયા સામે ભારતની શાનદાર જીત

પ્રથમ T20માં ભારતીય મહિલા ટીમે ઓસ્ટ્રેલિયાને 9 વિકેટે હરાવ્યું છે. તિતસ સાધુ, સ્મૃતિ મંધાના અને શેફાલી વર્માએ ભારત માટે શાનદાર પ્રદર્શન કર્યું છે. પ્રથમ તિતસ સાધુએ ભારત માટે ચાર વિકેટ લીધી. આ પછી સ્મૃતિ મંધાના અને શેફાલી વર્માએ બેટિંગમાં શાનદાર પ્રદર્શન કર્યું અને ભારતને 9 વિકેટે જીત અપાવી. ભારત અને ઓસ્ટ્રેલિયાની મહિલા ટીમો વચ્ચે પ્રથમ T20 DY પાટિલ સ્પોર્ટ્સ એકેડમી, નવી મુંબઈ ખાતે રમાઈ હતી, જેમાં ભારતે 17.4 ઓવરમાં 1 વિકેટ ગુમાવીને જીત મેળવી હતી. ભારત તરફથી શેફાલી વર્માએ 6 ચોગ્ગા અને 3 છગ્ગા સાથે 64* રન બનાવ્યા હતા. આ સિવાય સ્મૃતિ મંધાનાએ 7 ચોગ્ગા અને 1 છગ્ગાની મદદથી 54 રન બનાવ્યા હતા.

મેચમાં ભારતે ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરવા ઉતરેલી ઓસ્ટ્રેલિયાની ટીમ 19.2 ઓવરમાં 141 રનમાં ઓલઆઉટ થઈ ગઈ હતી. કાંગારૂ ટીમ માટે ફોબી લિચફિલ્ડે 49 રનની સૌથી મોટી ઇનિંગ રમી હતી. ભારત તરફથી તિતસ સાધુએ સૌથી વધુ 4 વિકેટ લીધી હતી. આ દરમિયાન તેણે 4 ઓવરમાં 4.20ની ઈકોનોમી સાથે 17 રન ખર્ચ્યા. ત્યારબાદ લક્ષ્યનો પીછો કરતી વખતે ભારતીય ટીમ માટે સ્મૃતિ મંધાના અને શેફાલી વર્માએ શાનદાર બેટિંગ કરીને મેચને એકતરફી બનાવી દીધી હતી.

ભારતે આ ટાર્ગેટ સરળતાથી હાંસલ કરી લીધો 

142 રનના ટાર્ગેટનો પીછો કરતા ભારત માટે સ્મૃતિ મંધાના અને શેફાલી વર્મા ઓપનિંગમાં આવ્યા અને પ્રથમ વિકેટ માટે 137 રન (93 બોલ)ની ભાગીદારી કરી, જે 16મી ઓવરમાં સ્મૃતિ મંધાનાની વિકેટ પડતા તૂટી હતી. મંધાનાએ 52 બોલમાં 7 ચોગ્ગા અને 1 છગ્ગાની મદદથી 54 રન બનાવ્યા હતા. આ સિવાય સાથી ઓપનર શેફાલી વર્મા 44 બોલમાં 6 ચોગ્ગા અને 3 છગ્ગા ફટકારીને 64 રન બનાવીને અણનમ રહી હતી.પ્રથમ વિકેટ પડ્યા બાદ બેટિંગ કરવા આવેલી જેમિમાહ રોડ્રિગ્સે 6* રન બનાવ્યા હતા. આ દરમિયાન તેના બેટમાંથી 1 ચોગ્ગો નિકળ્યો હતો, જે ટીમ ઈન્ડિયા માટે વિનિંગ શોટ હતો.

ભારતીય બોલરોએ કહેર વર્તાવ્યો

ભારત તરફથી તિતસ સાધુએ શાનદાર બોલિંગ કરી અને 4 વિકેટ લીધી. આ સિવાય શ્રેયંકા પાટિલ અને દીપ્તિ શર્માએ 2-2 વિકેટ લીધી હતી. જ્યારે અમનજોત કૌર અને રેણુકા સિંહને 1-1 સફળતા મળી હતી.