![ABP Premium](https://cdn.abplive.com/imagebank/Premium-ad-Icon.png)
T20 વર્લ્ડ કપમાં 8મી વખત ભારત-પાકિસ્તાનની થશે ટક્કર, જાણો ક્યારે અને ક્યાં ફ્રીમાં જોઈ શકાશે લાઇવ મેચ, જાણો વિગત
IND vs PAK: T20 વર્લ્ડ કપમાં અત્યાર સુધી ભારત અને પાકિસ્તાન સાત વખત સામસામે આવી ચૂક્યા છે.
![T20 વર્લ્ડ કપમાં 8મી વખત ભારત-પાકિસ્તાનની થશે ટક્કર, જાણો ક્યારે અને ક્યાં ફ્રીમાં જોઈ શકાશે લાઇવ મેચ, જાણો વિગત T20 World Cup India and Pakistan to contest each other 8th times in t20 wc know where to watch live T20 વર્લ્ડ કપમાં 8મી વખત ભારત-પાકિસ્તાનની થશે ટક્કર, જાણો ક્યારે અને ક્યાં ફ્રીમાં જોઈ શકાશે લાઇવ મેચ, જાણો વિગત](https://feeds.abplive.com/onecms/images/uploaded-images/2024/05/17/7d13da35b7d36e74c13f0dbad99c29961715943267169265_original.jpeg?impolicy=abp_cdn&imwidth=1200&height=675)
IND vs PAK, T20 World Cup: T20 વર્લ્ડ કપ 2024 2 જૂનથી શરૂ થશે. આ ટુર્નામેન્ટ યુએસએ અને વેસ્ટ ઈન્ડિઝમાં યોજાશે. ભારત અને પાકિસ્તાનને ગ્રુપ Aમાં રાખવામાં આવ્યા છે. T20 વર્લ્ડ કપ 2024માં ભારત અને પાકિસ્તાન વચ્ચે 9 જૂને ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં મેચ રમાશે.
ભારત-પાકિસ્તાન મેચ અમેરિકન સમય અનુસાર રાત્રે 8 વાગ્યે શરૂ થશે. બંને કટ્ટર હરીફ વચ્ચેની મેચ ભારતીય સમય અનુસાર સવારે 10 વાગ્યે શરૂ થશે. ભારતીય લોકો ટીવી પર સ્ટાર સ્પોર્ટ્સ નેટવર્ક પર વર્લ્ડ કપની મેચ લાઈવ જોઈ શકશે. જ્યારે મોબાઈલ અને ટેબલેટ યુઝર્સ ડિઝની હોટસ્ટાર એપ પર લાઈવ સ્ટ્રીમનો આનંદ માણી શકશે.
BCCIએ 30 એપ્રિલે વર્લ્ડ કપ માટે ભારતીય ટીમની જાહેરાત કરી હતી. રોહિત શર્મા ટીમના સુકાની રહેશે અને હાર્દિક પંડ્યાને વાઇસ કેપ્ટનશિપ આપવામાં આવી છે. પીસીબીએ 24 મેના રોજ આગામી વર્લ્ડ કપ માટે તેની ટીમની જાહેરાત કરી હતી. બાબર આઝમ સુકાની કરશે અને હેરિસ રઉફ ઈજાના કારણે ટીમમાં વાપસી કરશે.
T20 વર્લ્ડ કપમાં ભારત અને પાકિસ્તાન અત્યાર સુધી 7 વખત આમને-સામને આવી ચુક્યા છે. ભારતીય ટીમ 5 વખત જીતી છે, એક વખત પાકિસ્તાન જીત્યું હતું અને તેની એક મેચ ટાઈ રહી હતી.
ટૂર્નામેન્ટમાં પ્રથમ વખત 20 ટીમો ભાગ લેશે
2 જૂનથી શરૂ થનારી ટૂર્નામેન્ટની ફાઇનલ મેચ 29 જૂને રમાશે. ટૂર્નામેન્ટમાં પ્રથમ વખત 20 ટીમો ભાગ લેશે. ભારત તેનો પ્રથમ મુકાબલો આયરલેંડ સામે 5 જૂને રમશે. ટીમ ઈન્ડિયા બીજો મુકાબલો પાકિસ્તાન સામે 9 જૂને રમશે. ગત વખતે ઓસ્ટ્રેલિયામાં રમાયેલ ટી20 વર્લ્ડ કપમાં ઈંગ્લેન્ડ ચેમ્પિયન બન્યું હતું. પાકિસ્તાનની ટીમનો પ્રથમ મુકાબલો 6 જૂને યુએસએ સામે થશે.
આ પહેલા રમાયેલા 2022 T20 વર્લ્ડ કપમાં ટીમ ઈન્ડિયા સેમિફાઈનલથી આગળ વધી શકી નહોતી. ઓસ્ટ્રેલિયામાં આયોજિત ટૂર્નામેન્ટમાં ઈંગ્લેન્ડે સેમિફાઈનલમાં ટીમ ઈન્ડિયાને 10 વિકેટથી હરાવ્યું હતું.
T20 વર્લ્ડ કપ 2024 માટે ટીમ ઇન્ડિયા
રોહિત શર્મા (કેપ્ટન), યશસ્વી જયસ્વાલ, વિરાટ કોહલી, સૂર્યકુમાર યાદવ, ઋષભ પંત, સંજુ સેમસન, હાર્દિક પંડ્યા (વાઈસ-કેપ્ટન), શિવમ દુબે, રવિન્દ્ર જાડેજા, અક્ષર પટેલ, કુલદીપ યાદવ, યુઝવેન્દ્ર ચહલ, અર્શદીપ સિંહ, જસપ્રીત બ્રુમરાહ, મોહમ્મદ સિરાજ.
આ પણ વાંચોઃ
T20 World Cup 2024: ટીમ ઈન્ડિયા સાથે ન્યૂયોર્ક નથી ગયો હાર્દિક પંડ્યા, શું નતાશા છે કારણ?
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)