Adani: અદાણી ગ્રીન એનર્જી ગેલેરીએ બનાવ્યો કીર્તિમાન, લંડનના જાણીતા મ્યૂઝિયમમાં 7 લાખ લોકોએ લીધી મુલાકાત
Adani Green Energy Gallery: આ ગેલેરી દ્વારા જાહેર કરાયેલા એક નિવેદનમાં કહેવામાં આવ્યું છે કે એક વર્ષની અંદર આ ગેલેરીમાં 7,00,000 મુલાકાતીઓ આવ્યા છે
Adani Green Energy Gallery: ગુજરાતના જાણીતા મોટા ઉદ્યોગપતિ ગૌતમ અદાણીના નામે વધુ એક સિદ્ધિ નોંધાઇ છે. અદાણી સમૂહે ગ્રીન એનર્જી ગેલેરીમાં એક નવો કીર્તિમાન રચ્યો છે. અત્યાર સુધીમાં 7 લાખ લોકોએ લંડનના સાયન્સ મ્યૂઝિયમ ખાતે 'એનર્જી રિવૉલ્યૂશન: ધ અદાણી ગ્રીન એનર્જી ગેલેરી'ની મુલાકાત લીધી છે. આ ગેલેરી ઊર્જા અને આબોહવા પરિવર્તન પર ધ્યાન કેન્દ્રિત કરે છે. ૨૬ માર્ચ ૨૦૨૪ના રોજ લંડનના પ્રખ્યાત સાયન્સ મ્યુઝિયમ ખાતે અદાણી ગ્રુપના ચેરમેન ગૌતમ અદાણીએ 'એનર્જી રિવૉલ્યૂશન: અદાણી ગ્રીન એનર્જી ગેલેરી'નું ઉદઘાટન કર્યું હતું.
આ ગેલેરી દ્વારા જાહેર કરાયેલા એક નિવેદનમાં કહેવામાં આવ્યું છે કે એક વર્ષની અંદર આ ગેલેરીમાં 7,00,000 મુલાકાતીઓ આવ્યા છે. આ ગેલેરી દર્શાવે છે કે વિશ્વ કેવી રીતે આબોહવા પરિવર્તનનો સામનો કરવા માટે કાર્બન ઉત્સર્જન ઘટાડીને વધુ ટકાઉ રીતે ઊર્જાનું ઉત્પાદન અને ઉપયોગ કરી શકે છે.
છેલ્લા એક વર્ષમાં ગેલેરીએ વિવિધ સંસ્થાઓ માટે 40 થી વધુ ક્યુરેટરના નેતૃત્વ હેઠળના પ્રવાસોનું આયોજન કર્યું છે, જેમાં ક્લાઇમેટ ચેન્જ કમિટી, મેટ ઓફિસ, વર્લ્ડ એનર્જી કાઉન્સિલ અને યુકે સરકારના અનેક વિભાગોનો સમાવેશ થાય છે. આ મુલાકાતોએ આબોહવા પરિવર્તનના પડકારોનો સામનો કરવા માટે જરૂરી ઝડપી ઊર્જા સંક્રમણ અને ડીકાર્બોનાઇઝેશન પ્રયાસોમાં સમજ આપી છે. ગેલેરીએ તેના લો-કાર્બન બ્રિક બેન્ચ પ્રદર્શન માટે ઇનોવેશન કેટેગરીમાં પ્રતિષ્ઠિત 2024 બ્રિક એવોર્ડ જીત્યો છે.
ગેલેરીની વિશેષતાઓ
એનર્જી રિવૉલ્યૂશન એવોર્ડ વિજેતા આર્કિટેક્ટ 'અનનોન વર્ક્સ' દ્વારા ડિઝાઇન કરવામાં આવ્યું છે. તેની ટકાઉ ડિઝાઇનની ખાસિયત એ છે કે તેમાં જૂના સ્ટોર્સના ભાગોનો ઉપયોગ કરવામાં આવ્યો છે. ગેલેરીના કાર્બન ફૂટપ્રિન્ટનું કાળજીપૂર્વક નિરીક્ષણ કરવામાં આવ્યું છે, જ્યાં શક્ય હોય ત્યાં રિસાયકલ એલ્યુમિનિયમનો ઉપયોગ કરવામાં આવ્યો છે.
ટોપ સ્ટોરી
ટ્રેન્ડિંગ સમાચાર
