IPLમાં ઓરેન્જ કેપ પર જૉસ બટલરનો કબજો, આ બેટ્સમેનો પણ આપી રહ્યાં છે જોરદાર ટક્કર......

જૉસ બટલર આ સિઝનમાં ગજબની લયમાં દેખાઇ રહ્યો છે. 10 મેચોમાં તે 65.33 ની એવરેજ અને 150.76 ની ધમાકેદાર સ્ટ્રાઇક રેટથી 588 રન બનાવી ચૂક્યો છે.

(પ્રતિકાત્મક તસવીર)

Orange Cap 2022: રાજસ્થાન રૉયલ્સના ઓપનર બેટ્સમેન જૉસ બટલર IPLની આ સિઝનમાં સૌથી વધુ રન બનાવનારો બેટ્સમેન બની ગયો છે. ઓરેન્જ કેપ પર તેનો કબજો યથાવત છે. IPLની આ સિઝનના બીજા અઠવાડિયાથી ઓરેન્જ કેપ તેને તેની પાસે જ રાખી છે. તે સિઝનની ત્રણ સદીઓ પણ ફટકારી ચૂક્યો છે.  

જૉસ બટલર આ સિઝનમાં ગજબની લયમાં દેખાઇ રહ્યો છે. 10 મેચોમાં તે 65.33 ની એવરેજ અને 150.76 ની ધમાકેદાર સ્ટ્રાઇક રેટથી 588 રન બનાવી ચૂક્યો છે. તેની આજુબાજુમાં કોઇ બીજો બેટ્સમેન નથી. બટલર બાદ લખનઉ સુપર જાયન્ટ્સનો કેપ્ટન કેએલ રાહુલનો નંબર આવે છે, તે બે સદીઓ સાથે 451 રન બનાવીને ઓરેન્જ કેપની દાવેદારીમાં બીજા નંબર પર છે. પંજાબ કિંગ્સનો શિખર ધવન પણ સતત રન બનાવીને ઓરેન્જ કેપની રેસમાં ટકેલો છે. તે અત્યાર સુધી 369 રન ઠોકી ચૂક્યો છે. 

પૉઝિશન	બેટ્સમેન	મેચ	રન	બેટિંગ એવરેજ	સ્ટ્રાઇક રેટ
1	જૉસ બટલર	10	588	65.33	150.76
2	કેએલ રાહુલ	10	451	56.38	145.01
3	શિખર ધવન	10	369	46.13	124.66
4	અભિષેક શર્મા	9	324	36.00	134.43
5	શ્રેયસ અય્યર	10	324	36.00	133.33

આ પણ વાંચો............