ગુજરાત ભાજપના આ ધારાસભ્યની છેતરપિંડીના કેસમાં ગમે ત્યારે કેમ થશે ધરપકડ? જાણો વિગત

ગોડાદરા ખાતે બોગસ દસ્તાવેજ બનાવીને જમીન પચાવી પાડવાના કેસમાં સુરતની કરંજ બેઠકના ભાજપના આરોપી ધારાસભ્ય પ્રવિણ ઘોઘારીની ગમે ત્યારે ધરપકડ થશેસ, કેમકે ગુરુવારે કોર્ટે આરોપી દ્વારા કરવામાં આવેલી આગોતરા જામીન અરજી નામંજૂર કરી છે. આ કેસમાં સરકાર પક્ષે એપીપી ડોબરિયાએ દલીલો કરી હતી.

માહિતી પ્રમાણે, લિંબાયત પોલીસ સ્ટેશનમાં નોંધાયેલા ગુનાની વિગતો મુજબ, ભાજપના ધારાસભ્ય પ્રવિણ ઘોઘારી સહિતના અન્ય 13 આરોપીઓએ મળી ફરિયાદીની ગોડાદરા રે. સરવે. નંબર- 138, 139 અને 140ની ખેતીલાયક જમીન બોગસ પાવર ઓફ એટર્ની કે જેની પર માલિકની સહી પણ ન હતી તે અને બોગસ રજાચિઠ્ઠીના આધારે પચાવી પાડી સોસાયટી બનાવી લીધી હતી.