WhatsApp લાવી રહ્યું છે આ Usefull ફિચર, અલગ અલગ ફોનમાં લૉગીનને લઇને શું મળશે મદદ, જાણો

વૉટ્સએપ અપડેટ પર ધ્યાન રાખતી ફર્મ WABetaInfo અનુસાર, વૉટ્સએપનુ કમ્પેનિયન મૉડ ફિચરને 2.22.11.10 એન્ડ્રોઇડ બીટા વર્ઝનમાં સ્પોટ કરવામાં આવ્યુ છે

(પ્રતિકાત્મક તસવીર)

WhatsApp : દુનિયાની સૌથી લોકપ્રિય ઇન્સ્ટન્ટ મેસેજિંગ એપ વૉટ્સએપ અવારનવાર પોતાની એપમાં ફેરફાર કરતુ રહે છે, યૂઝર્સ ફ્રેન્ડલી બનાવા માટે હવે કંપની વૉટ્સએપમાં એક ખાસ ફિચર જોડવા જઇ રહી છે. તાજેતરમાં જ વૉટ્સએપ અપડેટમાંથી જાણવા મળ્યુ છે કે કંપની કમ્પેનિયન મૉડ ફિચર પર કામ કરી રહી છે, અને બહુ જલદી આને રૉલઆઉટ કરી દેવામા આવી શકે છે. આ વાતનો ખુલાસો લેટેસ્ટ બીટા અપડેટમાં થયો છે.

વૉટ્સએપ અપડેટ પર ધ્યાન રાખતી ફર્મ WABetaInfo અનુસાર, વૉટ્સએપનુ કમ્પેનિયન મૉડ ફિચરને 2.22.11.10 એન્ડ્રોઇડ બીટા વર્ઝનમાં સ્પોટ કરવામાં આવ્યુ છે. રિપોર્ટ અનુસાર, આ ફિચર યૂઝરને અલગ-અલગ ફોન પર વોટ્સએપમાં Login કરવાની સુવિધા આપશે. 

WABetaInfo અનુસાર, શેર કરેલા સ્ક્રીનશોટ પરથી જાણવા મળે છે કે WhatsApp ટૂંક સમયમાં આ કમ્પેનિયન મૉડને રિલીઝ કરી શકે છે. આ ફિચરની મદદથી યૂઝર્સ વૉટ્સએપ અકાઉન્ટને અન્ય અકાઉન્ટમાં લિંક કરી શકે છે. સ્ક્રીનશોટ પરથી ખ્યાલ આવે છે કે યૂઝર્સ વોટ્સએપનો બંને ફોનમાં ઉપયોગ કરી શકશે નહીં, કારણ કે એવું જોવા મળે છે કે એપ બીજા ફોનમાં લોગ ઈન થતાની સાથે જ પ્રાઈમરી ફોનમાંથી Log Out થઈ ગઈ છે.

ઉલ્લેખનીય છે કે, આ ફિચર હાલમાં ડેવલપમેન્ટ સ્ટેજમાં છે, કંપનીએ હજુ આના વિશે કોઇ ઓફિશિયલ માહિતી આપી નથી. એ પણ નક્કી નથી કે વોટ્સએપ એન્ડ્રોઇડ અથવા iOS પર આને ક્યારે રિલીઝ કરશે. 

આ પણ વાંચો.........