અમદાવાદની પોલીસની દાદાગીરી સામે આવી, સોસાયટીમાં સિક્યોરિટી સુપરવાઇઝરને માર્યો માર

અમદાવાદ શહેરમાં માસ્કના નિયમની અમલવારી મામલે વધુ એક પોલીસકર્મીની દાદાગીરીનો વીડિયો સામે આવ્યો છે. શહેરના ખોખરા પોલીસ સ્ટેશનમાં ફરજ બજાવતા એક પોલીસકર્મી નારોલ વિસ્તારમાં પોતાની જ સોસાયટીમાં ફરતા એક યુવક સાથે માસ્કના નામે પહેલા બોલાચાલી કરી અને બાદમાં યુવકને લાકડી વડે ફટકાર્યો. આ સમયે અહી હાજર એક સિક્યોરિટી ગાર્ડ અને અન્ય વ્યકિતએ વચ્ચે પડી મામલાનો શાંત પાડવાનો પ્રયાસ કર્યો. પોલીસકર્મીના રોફની આ ઘટના સીસીટીવીમાં કેદ થતા હવે ઝોન 5 ડીસીપીએ આ મામલાની એસીપીને તપાસ સોંપી હતી.