Budget 2024: હવે NPS માં બાળકોના નામે માતા-પિતા કરી શકશે રોકાણ, જાણો બજેટમાં શું થઈ જાહેરાત
નેશનલ પેન્શન સિસ્ટમ (National Pension System) આ સરકાર દ્વારા ચલાવવામાં આવતી એક યોગદાન પેન્શન યોજના છે, જેથી નિવૃત્તિ પછી પણ આવક સુનિશ્ચિત કરી શકાય.
NPS Vatshalya Scheme: નેશનલ પેન્શન સિસ્ટમ (National Pension System) આ સરકાર દ્વારા ચલાવવામાં આવતી એક યોગદાન પેન્શન યોજના છે, જેથી નિવૃત્તિ પછી પણ આવક સુનિશ્ચિત કરી શકાય. આ યોજના હેઠળ તમારે તમારા કાર્યકારી જીવનમાં લાંબા સમય સુધી રોકાણ કરવું પડશે. પરંતુ હવે માતા-પિતા પણ બાળકોના નામે આ યોજનામાં રોકાણ કરી શકશે. આ માટે નાણામંત્રી નિર્મલા સીતારમણે આજે બજેટ રજૂ કરતી વખતે 'NPS વાત્સલ્ય યોજના'ની જાહેરાત કરી છે.
Union Budget 2024-25 proposes:
👉 NPS-Vatsalya, a plan for contribution by parents and guardians for minors, to be launched
👉 Plan can be seamlessly converted into a normal NPS account on minor becoming an adult#Budget2024 #BudgetForViksitBharat pic.twitter.com/NO5wcKXkXr— Ministry of Finance (@FinMinIndia) July 23, 2024
આ યોજનામાં માતા-પિતા અથવા કાનૂની વાલી સગીરો માટે યોગદાન આપી શકશે. જ્યારે સગીર વયસ્ક થશે ત્યારે યોજનાને સામાન્ય NPS ખાતામાં રૂપાંતરિત કરી શકાય છે. આ સિવાય NPS માટે બીજી મોટી જાહેરાત કરવામાં આવી છે, તે એ છે કે એમ્પ્લોયરનું યોગદાન 10 ટકાથી વધારીને 14 ટકા કરવામાં આવ્યું છે.
તમને જણાવી દઈએ કે હાલમાં રિટાયરમેન્ટ પ્લાન માટે ચલાવવામાં આવી રહેલી આ સ્કીમ માર્કેટ લિન્ક્ડ સ્કીમ છે. અગાઉ આ યોજના માત્ર સરકારી કર્મચારીઓ માટે જ શરૂ કરવામાં આવી હતી, પરંતુ 2009થી સરકારે ખાનગી ક્ષેત્રના કર્મચારીઓ માટે પણ રાષ્ટ્રીય પેન્શન યોજના શરૂ કરી છે. આમાં નાણાંનું બે રીતે રોકાણ કરવામાં આવે છે. પ્રથમ ટિયર-1 અને ટિયર-2.
NPS ટિયર-1 એ નિવૃત્તિ ખાતું છે, જ્યારે ટિયર-2 એ સ્વૈચ્છિક ખાતું છે. ખાતું ખોલાવતી વખતે તમારે ટિયર 1 માં 500 રૂપિયાનું રોકાણ કરવું પડશે. આ પછી ટિયર 2માં 1000 રૂપિયા જમા કરાવવાના રહેશે. તમારે દરેક નાણાકીય વર્ષમાં આ યોગદાન આપવું પડશે. તમે નિવૃત્તિ સમયે NPSમાં જમા થયેલી કુલ રકમના 60 ટકા રકમ એકસાથે ઉપાડી શકો છો, જ્યારે બાકીની 40 ટકા રકમ પેન્શન સ્કીમમાં જાય છે. NPSમાં રોકાણ પર કોઈ મર્યાદા નથી. 40% વાર્ષિકી રકમ જેટલી વધારે હશે, વૃદ્ધાવસ્થામાં તમારું પેન્શન એટલું સારું રહેશે.
નિર્મલા સીતારમણના બજેટ ભાષણના મોટા મુદ્દા
- આ બજેટ સૌના વિકાસ માટે છે.
- આ વિકસિત ભારતનો રોડમેપ છે.
- ઊર્જા સુરક્ષા પર સરકારનું ધ્યાન.
- રોજગાર વધારવા પર સરકારનું ધ્યાન. રોજગાર વધારવો એ સરકારની પ્રાથમિકતા છે.
- કુદરતી ખેતી વધારવા પર ભાર.
- 32 પાક માટે 109 જાતો લોન્ચ કરશે.
- કૃષિ ક્ષેત્રનો વિકાસ પ્રથમ પ્રાથમિકતા છે.
ટ્રેન્ડિંગ સમાચાર
ટોપ સ્ટોરી
