Haryana Police Recruitment 2022: આ રાજ્યમાં પોલીસમાં નીકળી બંપર ભરતી, જાણો યોગ્યતાથી લઈ પગાર સુધીની તમામ વિગત

આ ભરતી પ્રક્રિયામાં કેન્દ્રીય સશસ્ત્ર દળો અને સેનાના ભૂતપૂર્વ સૈનિકો, હરિયાણા સશસ્ત્ર પોલીસના ભૂતપૂર્વ કોન્સ્ટેબલ અને હરિયાણા રાજ્ય ઔદ્યોગિક સુરક્ષા દળના ભૂતપૂર્વ ઉમેદવારોને પ્રાધાન્ય આપવામાં આવશે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Haryana Government To Recruit 2000 SPO’s In Haryana Police:  હરિયાણા પોલીસમાં નોકરી શોધી રહેલા યુવાનો માટે સારા સમાચાર છે. સ્પેશિયલ પોલીસ ઓફિસર ની જગ્યાઓ પર ટૂંક સમયમાં બમ્પર ભરતી થવા જઈ રહી છે. હરિયાણા સરકાર દ્વારા ટૂંક સમયમાં પોલીસમાં બે હજાર એસપીઓની નિમણૂક કરવામાં આવશે. પોલીસકર્મીઓની અછતને પહોંચી વળવા માટે આ નિર્ણય લેવામાં આવ્યો છે.  આ ભરતી પ્રક્રિયામાં  કેન્દ્રીય સશસ્ત્ર દળો અને સેનાના ભૂતપૂર્વ સૈનિકો, હરિયાણા સશસ્ત્ર પોલીસના ભૂતપૂર્વ કોન્સ્ટેબલ અને હરિયાણા રાજ્ય ઔદ્યોગિક સુરક્ષા દળના ભૂતપૂર્વ ઉમેદવારોને પ્રાધાન્ય આપવામાં આવશે.

મુખ્યમંત્રીની અધ્યક્ષતામાં મળેલી બેઠકમાં લેવાયો નિર્ણય

રાજ્ય સરકારનો આ નિર્ણય મુખ્યમંત્રી મનોહર લાલ ખટ્ટરની અધ્યક્ષતામાં મળેલી બેઠક બાદ આવ્યો છે. એક સત્તાવાર નિવેદન અનુસાર, પોલીસ વિભાગમાં કોન્સ્ટેબલની 11,664 જગ્યાઓ પર ખાલી પડેલી જગ્યાઓ વચ્ચે આ SPOsની ભરતી રાજ્ય પોલીસ દળને મજબૂત બનાવવામાં મહત્વની ભૂમિકા ભજવશે. નિવેદનમાં વધુમાં કહેવામાં આવ્યું છે કે SPO ની નિમણૂક એક વર્ષ માટે કરવામાં આવશે.

કોણ અરજી કરી શકે છે

આ પોસ્ટ્સ માટે અરજી કરવા માટેની ન્યૂનતમ લાયકાત 10+2 પાસ છે. તેમનું સિલેક્શન ઈન્ટરવ્યુ દ્વારા થશે અને જો સિલેક્શન થશે તો તેમને 18 હજાર રૂપિયાનો પગાર આપવામાં આવશે. એટલું જ નહીં, પોલીસ વિભાગને હરિયાણા સ્ટાફ સિલેક્શન કમિશન દ્વારા સીધી ભરતી દ્વારા પુરૂષ કોન્સ્ટેબલ (જનરલ ડ્યુટી)ની 5,000 જગ્યાઓ ભરવાની મંજૂરી પણ મળી છે અને આ પ્રક્રિયા ચાલુ છે.

આ પણ વાંચોઃ