બૉલીવુડ અભિનેતા જૉન અબ્રાહમનું ઇન્સ્ટાગ્રામ એકાઉન્ટ થયુ હેક, ડિલીટ થઇ તમામ પૉસ્ટ્સ

બૉલીવુડ અભિનેતા જૉન અબ્રાહમનું ઇન્સ્ટગ્રામ એકાઉન્ટ હેક થઇ ગયુ છે. હેકર્સે તેનુ ડીપી ઉપરાંત સોશ્યલ મીડિયા પર તમામ પૉસ્ટ પણ ડિલીટ કરી દીધી છે.

John_Abraham

મુંબઇઃ આજકાલ સાયબર ક્રાઇમ ઘટનાઓ સતત વધી રહી છે, થોડાક દિવસો પહેલા પીએમ નરેન્દ્ર મોદીનું એકાઉન્ટ હેકર્સ દ્વારા હેક કરવામાં આવ્યુ હતુ, અને તેના પરથી ખરાબ પૉસ્ટ કરી દેવામાં આવી હતી. હવે વધુ એક સ્ટાર અભિનેતાનુ એકાઉન્ટ હેક થયાની વાત સામે આવી છે. બૉલીવુડ અભિનેતા જૉન અબ્રાહમનું ઇન્સ્ટગ્રામ એકાઉન્ટ હેક થઇ ગયુ છે. હેકર્સે તેનુ ડીપી ઉપરાંત સોશ્યલ મીડિયા પર તમામ પૉસ્ટ પણ ડિલીટ કરી દીધી છે. આ પછી જૉનના ફેન્સ ખુબ ચિંતામાં પડી ગયા છે.

અચાનક ડિલીટ થઇ તમામ પૉસ્ટ્સ
જૉન અબ્રાહમ સોશ્યલ મીડિયા પર આમ તો ખાસ વધારે એક્ટિવ નથી રહેતો, પરંતુ ફેન્સ તેની દરેક પૉસ્ટનો બેસબ્રીથી ઇન્તજાર કરતા રહે છે, અને હવે આ રીતે એક્ટરની પૉસ્ટ પરથી તમામ તસવીરો આમ ડિલીટ થવી ફેન્સ માટે કોઇ આઘાતથી ઓછુ નથી.

ઈન્સ્ટાગ્રામ પર જોનના 90 લાખ કરતા વધારે ફોલોઅર્સ છે.મોટી સંખ્યામાં જોન દ્વારા તેના પર પોસ્ટ પણ મુકવામાં આવી હતી. હેકર કોણ છે તેની જાણકારી હજી સુધી સામે આવી નથી. 

તાજેતરમાં જોનની સત્યમેવ જયતે પાર્ટ ટુ રિલિઝ થઈ હતી.જોનની કેરિયરની શરુઆત મોડેલ તરીકે થઈ હતી અને આજે તે બોલીવૂડના સૌથી મોટો સ્ટાર પૈકીનો એક ગણાય છે.

આ પણ વાંચો