કંગનાની બહેન પર આ વ્યક્તિએ કર્યો હતો એસિડ અટેક, રંગોલીએ વર્ષો બાદ કર્યો ખુલાસો

રંગોલી વર્ષો પહેલા એસિડ એટેકની અસહ્ય પીડા અનુભવી છે. તેણે ગત કેટલાક સમય પહેલા પણ પોતાની સાથે થયેલ આ ઘટના વિશે વાત કરી હતી.

નવી દિલ્હીઃ દીપિકા પાદુકોણની ફિલ્મ છપાક 10 જાન્યુઆરીએ રિલીઝ થઈ રહી છે. આ ફિલ્મને લઈને વિવાદ પણ શરૂ થઈ ગયો છે. જ્યારે કંગના રનૌતની બહેન રંગોલી ચંદેલે એ વ્યક્તિના નામનો ખુલાસો કર્યો છે જેને તેના પર એસિડથી હુમલો કર્યો હતો. ઉપરાંત રંગોલીએ સમગ્ર કહાની પણ જણાવી છે. ટ્વિટર પર એક યૂઝરે રંગોલીને એસિડ ફેંકનાર વિશે પૂછ્યું હતું. ત્યાર બાદ તેણે અનેક ટ્વીટ કરીને પોતાના પર થયેલ એસિડ અટેકની સમગ્ર કહાની સંભળાવી છે. તેણે લખ્યું કે, મારા ઉપર એસિડ ફેંકનારનું નામ અવિનાશ શર્મા છે. તે એ જ કોલેજમાં હતો જ્યાં હું અભ્યાસ કરતી હતી. તેણે મને પ્રપોઝ કર્યું હતું ત્યાર બાદ મેં તેનાથી અંતર રાખ્યું હતું. તે લોકોને કહેતો હતો કે તે મારી સાથે જ લગ્ન કરશે.

Hi Arzita, my attacker’s name is Avinash Sharma, he was in the same college as me, we were in the same friend circle, he proposed to me I started keeping distance I didn’t share same feelings, he would tell people some day he will merry me...(contd) https://t.co/Z7TMTUIwuz

— Rangoli Chandel (@Rangoli_A) January 8, 2020

રંગોલીએ આગળ જણાવ્યું,’જ્યારે મારા માતા-પિતાએ એક એયરફોર્સ ઓફિસર સાથે મારી સગાઇ કરાવી દીધી તો તે મારી સાથે લગ્ન કરવાની જીદ કરવા લાગ્યો. મેં તેનો વિરોધ કર્યો અને બાદમાં તેણે મારા પર એસિડ એટેક કરવાની ધમકી આપી. મેં તેની ધમકીઓ પર ધ્યાન આપ્યું નહી. મેં આ વિશે મારા માતા-પિતા અને પોલીસને પણ જાણ કરી નહી… અને આ મારા જીવનની સૌથી મોટી ભૂલ હતી.’

(Contd)..when my parents got me engaged to an Air Force officer he became very persistent about marrying me when I retaliated he threatened me to throw acid on me,I brushed such threats aside & never told my parents or went to cops this was the biggest mistake of my life..(contd)

— Rangoli Chandel (@Rangoli_A) January 8, 2020

રંગોલીનું કહેવું છે,’હું એક પીજીમાં ચાર છોકરીઓ સાથે રહેતી હતી. એક દિવસ એક યુવક આવ્યો અને મારા વિશે પૂંછવા લાગ્યો. મારી મિત્ર વિજયાએ મને કહ્યું કે કોઇ તારા વિશે પૂછી રહ્યો છે. મેં દરવાજો ખોલ્યો તો તે એક ભરેલ જગ લઇને ઉભો હતો અને એક જ સેકન્ડમાં જ ‘છપાક’…’

(Contd)... I was sharing PG house with four girls, a young stranger came asking for me my friend vijaya said someone asking for you I opened the door, he was carrying a jug full of ....and just than in one second CHAPPAK....

— Rangoli Chandel (@Rangoli_A) January 8, 2020

તમને જણાવી દઇએ કે, રંગોલી વર્ષો પહેલા એસિડ એટેકની અસહ્ય પીડા અનુભવી છે. તેણે ગત કેટલાક સમય પહેલા પણ પોતાની સાથે થયેલ આ ઘટના વિશે વાત કરી હતી.