Cold Drink In Acidity: શું એસિડિટીમાં કોલ્ડ ડ્રિંક પીવાથી ખરેખર ફાયદો થાય છે?

કોલ્ડ ડ્રિંકનો શોખ મોંઘો પડી શકે છે. તેમાં અનેક પ્રકારના રસાયણો મિશ્રિત કરવામાં આવે છે, જે આરોગ્ય માટે હાનિકારક હોઈ શકે છે. એસિડિટીમાં કોલ્ડ ડ્રિંક પીવું પણ શરીર માટે યોગ્ય માનવામાં આવતું નથી.

પ્રતિકાત્મક તસવીર

Source : freepik

Cold Drinks For Acidity: આપણા બધાની ખાવા પીવાની આદતો સારી હોતી નથી. જેનું પરિણામ આપણા પેટે ભોગવવું પડે છે. એસિડિટી, બ્લોટિંગ જેવી સમસ્યાઓ થઈ જાય છે. પેટમાં ગેસ બન્યા પછી ઘણા લોકો રાહત મેળવવા માટે કોલ્ડ ડ્રિંક પી લે છે. તેમને એવી લાગણી પણ થાય છે કે તેમને આરામ થઈ ગયો છે. શું ખરેખર આવું થાય છે? શું એસિડિટી ખરેખર એસિડિટી અને ગેસમાંથી છુટકારો અપાવી શકે છે કે પછી તેનું કોઈ નુકસાન પણ છે અને આ માત્ર ભ્રમ છે કે પેટ રિલેક્સ થઈ ગયું છે. આવો જાણીએ...

શું કોલ્ડ ડ્રિંક ખરેખર એસિડિટીમાંથી રાહત આપે છે

એસિડિટી આપણા દેશમાં ખૂબ જ સામાન્ય સમસ્યા છે. ઘણા લોકો રોજ આ સમસ્યાનો સામનો કરે છે. જોકે, તેમાંથી તરત રાહત મેળવવા માટે કેટલાક ઉપાયો પણ અપનાવવામાં આવે છે. જેમાં કોલ્ડ ડ્રિંક પણ ખૂબ અસરકારક માનવામાં આવે છે. મોટાભાગના લોકો એમ જ વિચારે છે કે કોલ્ડ ડ્રિંક પીને આ સમસ્યામાંથી છુટકારો મેળવી શકાય છે. ખરેખર, કોલ્ડ ડ્રિંક પીધા પછી ઓડકાર આવે છે અને આપણે બધા માની લઈએ છીએ કે પેટમાંથી ગેસ બહાર નીકળી રહ્યો છે પરંતુ સત્ય આ બિલકુલ નથી.

કોલ્ડ ડ્રિંક અને એસિડિટીનું સત્ય શું છે

કોલ્ડ ડ્રિંકમાં એક ખાસ ગેસ કાર્બન ડાયોક્સાઇડ (CO2) હોય છે. જ્યારે એસિડિટી થાય ત્યારે આપણે તેને પીએ છીએ તો તે ખાંડ અને પાણીથી અલગ થઈ જાય છે અને આંતરડા પર દબાણ બનાવે છે. ત્યારબાદ આંતરડાને વધુ જગ્યા મળે છે અને પછી ગેસ એટલે કે એસિડિટી નીકળે છે, પરંતુ, આ દરમિયાન બચેલો કાર્બન ડાયોક્સાઇડ આપણા શરીરની અંદર જ રહી જાય છે અને પેટમાં રહેલા ખોરાકને સડાવવા લાગે છે. આ પ્રક્રિયામાં પેટમાં આલ્કોહોલ બનવા લાગે છે, જે આરોગ્ય માટે હાનિકારક હોય છે.

એસિડિટીમાં કોલ્ડ ડ્રિંક પીવાના નુકસાન

ગેસ, અપચો કે એસિડિટી થવા પર કોલ્ડ ડ્રિંક પીવાના અન્ય ઘણા નુકસાન (કોલ્ડ ડ્રિંકની આડઅસરો) પણ થઈ શકે છે. આથી તેનું વધુ સેવન કરવું જોઈએ નહીં. કોલ્ડ ડ્રિંક પીવાથી વજન ઝડપથી વધી શકે છે, ડાયાબિટીસની સમસ્યા થઈ શકે છે અથવા ફેટી લીવર જેવી ગંભીર બીમારી પણ થઈ શકે છે. જો લાંબા સમય સુધી કોલ્ડ ડ્રિંક પીવામાં આવે તો અન્ય ઘણી ગંભીર સમસ્યાઓ થઈ શકે છે.

Disclaime સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. તમે કોઈપણ સૂચનને અમલમાં મૂકતા પહેલા સંબંધિત નિષ્ણાતની સલાહ અવશ્ય લો.

આ પણ વાંચોઃ