હવે અદાણી વિશ્વના ટોચના 25 અમીરોની યાદીમાંથી બહાર, ગ્રુપની કંપનીઓના સ્ટોકમાં પડ્યં મોટું ગાબડું

24 જાન્યુઆરીના રોજ હિંડનબર્ગ રિપોર્ટના પ્રકાશનથી, અદાણીની માલિકીની કંપનીઓના જૂથે માર્કેટ કેપિટલાઇઝેશનમાં લગભગ $142 બિલિયનનું નુકસાન કર્યું છે.

ગૌતમ અદાણી (ફાઈલ ફોટો)

Forbes and Bloomberg Report: દેશના સૌથી મોટા અબજોપતિ ગૌતમ અદાણીની મુશ્કેલી ખત્મ થવાનું નામ નથી લઈ રહી. હિંડનબર્ગ રિસર્ચ સાથે શોર્ટ સેલના તોફાનમાં ફસાયા પછી એશિયાના સૌથી ધનિક વ્યક્તિ હવે વિશ્વના 25 સૌથી ધનિક લોકોની યાદીમાંથી બહાર થઈ ગયા છે. ફોર્બ્સ અને બ્લૂમબર્ગની વિશ્વના અબજોપતિઓની યાદી અનુસાર બુધવારે અદાણીની નેટવર્થ $45 બિલિયનની નીચે ઘટીને અનુક્રમે 26મા અને 29મા ક્રમે આવી ગઈ છે. જ્યારે ફોર્બ્સની રીઅલ-ટાઇમ બિલિયોનેર લિસ્ટમાં તેમની વર્તમાન નેટવર્થ $43.4 બિલિયન હોવાનો અંદાજ હતો,

બ્લૂમબર્ગ બિલિયોનેર્સ ઈન્ડેક્સે (Bloomberg billionaires index) જણાવ્યું કે તેમની કુલ સંપત્તિ વધીને $42.7 બિલિયન થઈ ગઈ છે. યુએસ શોર્ટ સેલિંગે અદાણી પર 'કોર્પોરેટ ઈતિહાસમાં સૌથી મોટી છેતરપિંડી' કરવાનો આરોપ મૂકતો અહેવાલ બહાર પાડ્યો ત્યારથી તેણે $75 બિલિયનથી વધુની સંપત્તિ ધોવાઈ ગઈ છે. અદાણી, જે એક સમયે વિશ્વના બીજા સૌથી ધનિક વ્યક્તિ હતા, તેમની સંપત્તિ ગઈકાલથી અનુક્રમે $3.2 બિલિયન અને $3.39 બિલિયન ઘટી છે.

3 દિવસ પહેલા અદાણી 25માં સ્થાને હતાં

સોમવારે, અદાણીની નેટવર્થ (Gautam Adani Networth) ઘણા વર્ષોમાં પ્રથમ વખત $50 બિલિયનથી નીચે આવી ગઈ, જેને ફોર્બ્સ અને બ્લૂમબર્ગની રીઅલ-ટાઇમ અબજોપતિઓની યાદીમાં વિશ્વના પચીસમા સૌથી ધનિક વ્યક્તિ તરીકે સ્થાન મળ્યું. ફોર્બ્સની યાદીમાં અદાણી ગ્રુપના ફાઉન્ડર-ચેરમેન નાઇકીના ફિલ નાઈટ ($45.9 બિલિયન)થી પાછળ છે. બીજી તરફ, બ્લૂમબર્ગ ઈન્ડેક્સે તેમને ઈટાલીના જીઓવાન્ની ફેરેરો અને ફેમિલી ($42.9 બિલિયન) અને ફ્રાન્સના ફ્રેન્કોઈસ પિનોલ્ટ ($41.3 બિલિયન) વચ્ચે સ્થાન આપ્યું છે. દરમિયાન, ફ્રાન્સના બર્નાર્ડ આર્નોલ્ટ ટોચ પર છે, ત્યારબાદ ટ્વિટરના વડા એલોન મસ્ક છે.

એન્ટરપ્રાઇઝના શેરમાં 10.4%નો ઘટાડો

24 જાન્યુઆરીના રોજ હિંડનબર્ગ રિપોર્ટના પ્રકાશનથી, અદાણીની માલિકીની કંપનીઓના જૂથે માર્કેટ કેપિટલાઇઝેશનમાં લગભગ $142 બિલિયનનું નુકસાન કર્યું છે. બુધવારે, અદાણી એન્ટરપ્રાઇઝના શેર 10.4% ઘટ્યા હતા, જ્યારે અદાણી પોર્ટ્સના શેર 6.25% ઘટ્યા હતા. 24 જાન્યુઆરથી અત્યાર સુધીમાં અદાણીની નેટવર્થમાં 14.2 હજાર કરોડ ડોલરનો ઘટાડો થયો છે.

બુધવારનું ટ્રેડિંગ સેશન ભારતીય શેરબજાર માટે અત્યંત નિરાશાજનક રહ્યું. રોકાણકારો દ્વારા પ્રોફિટ-બુકિંગ અને વેચાણને કારણે સેન્સેક્સમાં 900થી વધુ પોઇન્ટનો કડકો બાલ્યો હતો. તમામ સેક્ટર્સમાં વેચવાલી જોવા મળી હતી. આજે ભારતીય શેરબજારનો સૂચકાંક સેન્સેક્સ 927 પોઇન્ટના કડાકા સાથે 59,744.98 પર બંધ રહ્યો, જ્યારે નિફ્ટી 289.58ના ઘટાડા સાથે 18,455 પર બંધ રહી.