રેશનકાર્ડ ધારકો માટે મોટા સમાચાર: આ તારીખ પહેલાં ઈ-કેવાયસી કરાવો, નહીં તો મફત અનાજ બંધ!
સરકારે રેશન કાર્ડ ઈ-કેવાયસીની અંતિમ તારીખ લંબાવી, ઘરે બેઠા ઓનલાઈન અને રાશન દુકાન પરથી પણ કરી શકાશે કેવાયસી.
Ration card e-KYC: જો તમે પણ રેશનકાર્ડ ધારક છો અને સરકાર દ્વારા મળતા મફત અનાજનો લાભ લઈ રહ્યા છો, તો આ સમાચાર તમારા માટે ખૂબ જ મહત્વપૂર્ણ છે. સરકારે રેશન કાર્ડના ઈ-કેવાયસી (e-KYC) માટેની અંતિમ તારીખ ૩૦ જૂન સુધી લંબાવી દીધી છે. જો તમે હજી સુધી ઈ-કેવાયસી નથી કરાવ્યું, તો તમારે આ કામ તાત્કાલિક પૂર્ણ કરવું પડશે. જો તમે નિર્ધારિત સમયમર્યાદા પહેલાં આ પ્રક્રિયા પૂર્ણ નહીં કરો તો તમને મફત રાશન મળવાનું બંધ થઈ જશે, એટલું જ નહીં પરંતુ તમે ઘણી સરકારી યોજનાઓના લાભથી પણ વંચિત રહી શકો છો.
સરકાર દ્વારા રેશનકાર્ડ ઈ-કેવાયસી માટેની છેલ્લી તારીખ ઘણી વખત લંબાવવામાં આવી છે. જો તમે હજી સુધી આ પ્રક્રિયા પૂર્ણ નથી કરી, તો હવે કોઈપણ વિલંબ કર્યા વિના તેને કરાવી લો. તમે આ મહત્વપૂર્ણ કામ થોડી જ મિનિટોમાં પૂર્ણ કરી શકો છો.
તમે ઘરે બેસીને પણ તમારા મોબાઈલ ફોન દ્વારા ઈ-કેવાયસી કરી શકો છો. આ માટે તમારે તમારા ફોનમાં મેરા eKYC એપ્લિકેશન અને આધાર ફેસઆરડી (AadharFaceRD) ડાઉનલોડ કરવાની રહેશે. ત્યારબાદ તમારે એપ્લિકેશનમાં તમારું રાજ્ય પસંદ કરવાનું રહેશે અને તમારું સ્થાન દાખલ કરીને વેરિફિકેશન કરવાનું રહેશે. પછી મેરા eKYC એપ પર તમારા રેશન કાર્ડમાં તમારો આધાર નંબર દાખલ કરો. તમારા આધાર સાથે જોડાયેલા ફોન નંબર પર એક ઓટીપી (OTP) મોકલવામાં આવશે. તમારે એપ પર તે ઓટીપી દાખલ કરવાનો રહેશે. ત્યારપછી તમારે ચહેરાની ચકાસણી કરવાની રહેશે અને ફેસ સ્કેનિંગ માટે તમારે સેલ્ફી કેમેરાથી તમારો ચહેરો સ્કેન કરવાનો રહેશે. આ પ્રક્રિયા પૂર્ણ થતાં જ તમારું વેરિફિકેશન સફળ થશે.
મહત્વની વાત એ છે કે તમારે રેશનકાર્ડમાં નામ આપવામાં આવેલા દરેક સભ્યનું વેરિફિકેશન કરાવવું પડશે. જો કોઈ સભ્યનું વેરિફિકેશન બાકી રહેશે તો તે વ્યક્તિને અયોગ્ય ગણવામાં આવશે અને તેનું નામ રેશનકાર્ડમાંથી કાઢી નાખવામાં આવશે.
જો તમને ઓનલાઈન વેરિફિકેશન અને ઓટીપી મેળવવામાં કોઈ સમસ્યા આવી રહી હોય, તો તમે તમારા આધાર કાર્ડ અને રેશન કાર્ડ સાથે તમારી નજીકની સરકારી રાશનની દુકાન પર જઈ શકો છો. ત્યાં દુકાનદાર તમારું રેશન કાર્ડ અને આધાર કાર્ડ નંબર દાખલ કરીને અને તમારું બાયોમેટ્રિક્સ લઈને તમારું કેવાયસી પૂર્ણ કરશે.
સરકાર દ્વારા ઈ-કેવાયસી કરાવવાનો મુખ્ય હેતુ એ છે કે અયોગ્ય રીતે રાશન લેતા લોકોની ઓળખ થઈ શકે, જેથી નકલી રેશનકાર્ડ ધારકોને દૂર કરી શકાય અને રાશન વિતરણ વ્યવસ્થામાં પારદર્શિતા લાવી શકાય. આ ઉપરાંત, વર્ષોથી બંધ પડેલા નવા રેશનકાર્ડ બનાવવા અને જૂના કાર્ડમાં નામ ઉમેરવાની પ્રક્રિયા પણ ફરીથી શરૂ કરી શકાશે. સરકારનું માનવું છે કે આનાથી ખોટી રીતે મફત રાશન લેતા લોકોની ઓળખ થશે અને રાશનનું કાળાબજાર બંધ થશે, તેમજ જરૂરિયાતમંદ લોકોને તેનો લાભ મળી શકશે.
આથી, તમામ રેશનકાર્ડ ધારકોને તાકીદ કરવામાં આવે છે કે તેઓ ૩૦ જૂન પહેલાં પોતાનું ઈ-કેવાયસી અવશ્ય કરાવી લે, જેથી તેમને મફત રાશન અને અન્ય સરકારી યોજનાઓના લાભ મળતા રહે.
Before You Go
Kutch Fake Liquor Network Busted : ભાવનગર લઠ્ઠાકાંડ બાદ હવે કચ્છમાં નકલી દારૂની ફેક્ટરીનો પર્દાફાશ
ટોપ સ્ટોરી
ટ્રેન્ડિંગ સમાચાર
